ქვემო ქართლის ყოფილმა გუბერნატორმა დავით კირკიტაძემ ფინანსთა სამინისტროს საგამოძიებო სამსახური დატოვა. ის უწყებაში დაახლოებით, ნახევარი საათის განმავლობაში იმყოფებოდა.
მას ჟურნალისტებთან სამართლებრივ პროცედურებზე არ უსაუბრია და მხოლოდ პოლიტიკური განცხადება გააკეთა. 
"ეს ადამიანები თავის უშუალო მოვალეობას არ ასრულებენ, რაც მათ გაუკეთებიათ ეს არის, რომ შენობა გაურემონტებიათ.იღებენ მაღალ პრემიებს და საერთოდ არ ფიქრობენ იმაზე, დღეს ქართველ ხალხს რა სჭირდება, რომ საქართველოს დღეს სჭირდება შველა, რომ საქართველოს ეკონომიკას დღეს სჭირდება დახმარება იმისთვის, რომ ჩვენი ხალხი ცხოვრობდეს უკეთეს ქვეყანაში.ესენი არიან სუყველა ამ შენებოდან გამოსაშვები იმიტომ, რომ ერთადერთი ამათი დანიშნულება და მოქმედება არის, რომ მოიწყონ პირადი კომფორტი, აიღონ მაღალი პრემიები, რაც შეეხებოდა საქმეს იყო უბრალო ფორმალობა",-განაცხადა დავით კირკიტაძემ.
სამართლებრივ პროცედურებზე კირკიტაძის ადვოკატმა გიორგი კონდახაშვილმა ისაუბრა. მისი თქმით, კირკიტაძეს ბრალის დადგენილება გააცნეს. ამასთან, ადვოკატის ინფორმაციით, კირკიტაძეს ჰკითხეს-ცნობდა თუ არა ის თავს დამნაშავედ, რაზეც უარყოფითი პასუხი მიიღეს.
"ბრალდება, ანუ ასლი, რომელიც მას წარედგინა რამდენიმე დღის წინ, გააცნეს შინაარსი მიუხედავად იმისა, რომ იგი იცნობდა აღნიშნული ბრალდების შინაარსს.იყო კითხვა-ცნობთ თუ არა თავს დამნაშავედ აღნიშნულ ბრალდებაში. რა თქმა უნდა, იყო პასუხი რომ არ ცნობდა დამნაშავედ თავს. შემდგომ შეადინეს ოქმი გირაოს შემტანის გაფრთხილებასთან დკაავშირებით.რაც შეეხება ჩვენებას, იყო ძალიან სიმბოლური, სადაც დაფიქსირდა, რომ არ ვცნობდით თავს დამნაშავედ, დეტალურ ინფორმაციას მტკიცებულებებთან ერთად წარვადგენდით სასამართლოში",-განაცხადა გიორგი კონდახაშვილმა.
აღსანიშნავია, რომ დავით კირკიტაძე დღეს უნდა დაკითხულიყო. თუმცა, როგორც ფინანსთა სამინისტროს საგამოძიებო სამსახურში განმარტავენ, მას შემდეგ, რაც კირკიტაძეს ბრალის დადგენილება წარუდგინეს,  მან  დაკითხვაზე უარი განაცხადა.
ცნობისთვის, კირკიტაძეს  გამოძიება სისხლის სამართლის კოდექსის 332-ე მუხლით გათვალისწინებულ დანაშაულს ედავება, რაც სამსახურებრივი უფლებამოსილების ბოროტად გამოყენებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს