საქართველოს მთავრობასა და იაპონიის მთავრობას შორის დღეს გაფორმდა შეთანხმება 500 მილიონი იაპონური იენის (დაახლოებით, 4,2 მილიონი აშშ დოლარი) ოდენობის არასაპროექტო გრანტის გამოყოფის თაობაზე. 

საქართველოსთვის გადმოცემული გრანტით, მთავრობა თბილისისთვის  ახალი თაობის ჰიბრიდული და ელექტრო  ავტოსანტრასპორტო საშუალებებს შეიძენს. 
შეთანხმების  ხელშეკრულებას ხელი მოაწერეს საქართველოს მთავრობის სახელით ფინანსთა მინისტრმა, ნოდარ ხადურმა და საქართველოში იაპონიის საგანგებო და სრულუფლებიანმა ელჩმა, ტოშიო კატიანიმ. 
როგორც შეხვედრის შემდეგ ნოდარ ხადურმა აღნიშნა, იაპონია აგრძელებს კარგ ტრადიციას და აღნიშნული პროექტით საქართველოს კვლავ ეხმარება.
„პროექტი ძალიან მნიშვნელოვანია. ის გულისხმობს, რომ იაპონია აგრძელებს კარგ ტრადიციას და გვიწევს დახმარებას, ამ შემთხვევაში ეს არის 4,2 მილიონი აშშ დოლარი, რომლითაც საქართველოს მთავრობა იაპონურ ტექნოლოგიებს  შეიძენს, კერძოდ კი   ჰიბრიდულ ავტოსატრანსპორტო საშუალებებს“,-განაცხადა ნოდარ ხადურმა. 
 ხელმოწერის ცერემონიას, ასევე თბილისის მერი დავით ნარმანია, ეკონომიკის მინისტრის მოადგილე ნათია მიქელაძე და გარემოს დაცვის მინისტრის მოადგილე გიორგი სომხიშვილი ესწრებოდნენ.
დავით ნარმანიას განცხადებით,  აღნიშნული პროექტი ხელს უწყობს მწვანე ქალაქის და გონიერი ქალაქის იდეის განხორციელებას. 
„ეს არის ძალიან მნიშვნელოვანი პროექტი, რომელიც მწვანე ქალაქის და გონიერი ქალაქის იდეასთან პირდაპირ შესაბამისობაშია, რომლისკენაც ჩვენ მივდივართ გრძელვადიანი თვალსაზრისით, რომ ქალაქში გამონაბოლქვის მოცულობა შემცირდეს. ეს იქნება გარკვეული პილოტ-პროექტი, რომლის ფარგლებშიც დედაქალაქში მას შემდე რაც სამუშაო შეხვედრა შედგება უშუალოდ სპეციალისტებთან, რამდენიმე ადგილას ელექტრომობილებით გადაადგილება იქნება შესაძლებელი.  როგორც გარეემოს დაცვითი, ასევე სოციალური თვალსაზრისით იქნება შეფასებული, თუ რა მიმართულებით და რამდენი ერთეული ასეთი ელექტრომობილი ივლის ქალაქში“,-განაცხადა დავით ნარმანიამ. 

ფინანსთა სამინისტროს ინფორმაციით, აღნიშნული გრანტის ნაწილით იგეგმება თბილისის მუნიციპალიტეტისთვის ახალი თაობის ავტობუსების შეძენა. კერძოდ თბილისის ცენტრალურ ნაწილში არსებულ მარშუტებზე სამოძრაოდ დაინიშნება ჰიბრიდული (ელექტრო) ავტობუსები, გარდა ამისა, ე.წ. მწვანე ტრანსპორტის პოპულარიზაციის მიზნით, ამავე გრანტით იგეგმება ორი მცირე ზომის ელექტრომობილის შეძენა, რომელიც გარემოსა და ბუნებრივი რესურსების დაცვის სამინისტროს გადაეცემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს