საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამის „ლიდერთა სახლის“ მოსწავლე დავით ბიბილეიშვილი „ბაზისბანკის“ რჩეული გახდა.

როგორც "ექსპრესნიუსს" სსიპ „დანაშაულის პრევენციის ცენტრიდან" აცნობეს,  „ბაზისბანკის“ საზოგადეობასთან ურთიერთობის განყოფილების ხელმძღვანელი თამარ ხადური დანაშაულის პრევენციის ცენტრს ესტუმრა და კომპანიის რჩეულს პლანშეტი საჩუქრად გადასცა.

თამარ ხადურის განაცხადებით, განათლების ხელშეწყობა და ახალ თაობაში სამოქალაქო-იურიდიული ცნობიერების ამაღლება კომპანიისთვის ერთ-ერთი პრიორიტეტული მიმართულებებია. „დავით ბიბილეიშვილმა მონაწილეობა მიიღო ოლიმპიადაში სახელწოდებით - „არასრულწლოვანთა დანაშაულის პრევენცია“, რომელიც „ბაზისბანკის“ ფინანსური მხარდაჭერით ჩატარდა. ოლიმპიადაში გამარჯვებულების გარდა, კომპანიამ საკუთარი რჩეულიც დაასახელა და მას საჩუქრად პლანშეტი გადავეცით. „ბაზისბანკი“ ექვს წელზე მეტია განაგრძობს განათლებაზე და ზოგადად, უკეთესი მომავალი თაობის ჩამოყალიბებაზე ორიენტირებული პროექტების მხარდაჭერას“, აღნიშნა თამარ ხადურმა.

 როგორც ცნობილია, 2014 წლის 28 დეკემბერს, სსიპ „დანაშაულის პრევენციის ცენტრის“ მიერ გამართულ ოლიმპიადაში გიგა ინაძემ, ლევან კერესელიძემ და ნანა კორბესაშვილმა გაიმარჯვეს. მათ„ბაზისბანკისგან“ საჩუქრად პლანშეტები ერგოთ. კომპანიის რჩეული დავით ბიბილეიშვილი თბილისის 202-ე  საჯარო სკოლის მოსწავლეა. ის აქტიურად მონაწილეობს დანაშაულის პრევენციის ცენტრის ახალგაზრდულ პროგრამებში. იუსტიციის სამინისტროს დანაშაულის პრევენციის ცენტრის ერთ-ერთი მიმართულებაა ახალგაზრდული აქტივობების ორგანიზება, რომლებიც მოხალისეობის განვითარებას, იურიდიული და სამართლებრივი ცნობიერების ამაღლებას, ჯანსაღი ცხოვრების წესის პოპულარიზაციას, თავისუფალი დროის ეფექტურად გატარებასა და დანაშაულის პრევენციას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს