დიღმის მასივში დაზიანებული წყლის მილები შეიცვლება

2016-08-26 17:55:02, 854 ნახვა

საზოგადოება

დიღმის მასივის პირველი კვარტლის მე-2 კორპუსის მცხოვრებლებს მალე გამართული წყალმომარაგების სისტემა ექნებათ.

დიდუბის რაიონის გამგეობისა და კომპანია „ჯორჯიან უოთერ ენდ ფაუერის“ ერთობლივი მუშაობის შედეგად რამდენიმე დღეში დასრულდება საპროექტო დოკუმენტაციის მომზადება, ამის შემდგომ კი კომპანია მიწისქვეშა კომუნიკაციების რეაბილიტაციას დაიწყებს.

შეთანხმების შედეგად, კომპანია აღნიშნულ მისამართზე სრულად შეცვლის წყალსადენის მილებს, დიდუბის რაიონის გამგეობა კი ასფალტის ახალ საფარს დააგებს. სამუშაოების დასრულების შემდგომ მოსახლეობას სასმელი წყლის მიწოდება გაუუმჯობესდება.

დიდუბის რაიონის გამგეობის წარმომადგენლებმა აღნიშნული ინფორმაცია დღეს მოსახლეობას გააცნეს.

დიდუბის რაიონის გამგეობამ დიღმის მასივის პირველი კვარტლის მე-2 კორპუსთან უკვე შეცვალა კანალიზაციის მილები, მილების გაუმართაობა მოსახლეობას წლების განმავლობაში პრობლემას უქმნიდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან