მცხეთის საკრებულოს თავმჯდომარემ 2016 წლის 12 აგვისტოს გამოცემული #25 დადგენილებით, იმ პირებს შორის, ვინც სოციალური დახმარება უნდა მიიღონ, მცხეთის საკრებულოსა და გამგეობის თანამშრომლები ჩაამატა.

კერძოდ, 2015 წლის 15 იანვრის დადგენილებაში „სოციალური დახმარების პროგრამის დამტკიცების შესახებ“ შეიცვალა პირველი მუხლი „პროგრამით მოსარგებლეები“ და ამ მუხლის პირველი პუნქტის ა) და ბ) ქვეპუნქტს დაემატა „გ) მცხეთის მუნიციპალიტეტის გამგეობისა და საკრებულოს თანამშრომლები.“

ა) და ბ) ქვეპუნქტების მიხედვით სოციალური დახმარების მიმღები პირები იყვნენ „ეკონომიურად გაჭირვებული პირები“ და „მეორე მსოფლიო ომის მონაწილეები, საქართველოს ტერიტორიული მთლიანობისთვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილ პირთა და რეპრესირებულ პირთა ოჯახის წევრები.

პირველი მუხლის მეორე პუნქტში წერია, რომ „მოსარგებლე ამ პროგრამით გათვალისწინებულ დახმარებას იღებს სოციალური დახმარების სახით“.

დადგენილებას ხელს აწერს მცხეთის მუნიციპალიტეტის საკრებულოს თავმჯდომარე ჯემალ სოლოღაშვილი.

დადგენილებაში შეტანილი ცვლილების მიხედვით, სოციალურ დახმარებას მიიღებენ საკრებულოსა და გამგეობის თანამშრომლები, რაც, მინიმუმ, ბიუჯეტიდან სოცუიალური დახმარების მიზნით გამოყოფილი თანხის არამიზნობრივ ხარჯვაზე მიუთითებს, რადგან სოციალურად დაუცველი პირებისთვის განკუთვნილი დახმარების მიღება არ შეუძლია პირს, რომელსაც აქვს ანაზღაურებადი სამსახური, სადაც კანონით გათვალისწინებული წესის შესაბამისად, იღებს გასამრჯელოს.

ოპოზიციური პარტიების წარმომადგენლები მიიჩნევენ, რომ ეს ცვლილებები დადგენილებაში უკავშირდება „ქართულ ოცნებას“ და მის მიერ მცხეთაში წარდგენილი მაჟორიტარი დეპუტატობის კანდიდატის დიმიტრი ხუნდაძის წინასაარჩევნო კამპანიას.

მცხეთის გამგეობასთან დაახლოებული წყაროს ცნობით, საკრებულოსა და გამგეობის თანამშრომლებისთვის თითქოსდა სოციალური დახმარებისთვის გათვალისწინებული თანხა მიმღებმა პირებმა უნდა დააბრუნონ და შემდგომში ის თანხა ხუნდაძის წინასაარჩევნო პლაკატებისა და ბუკლეტების დასაბეჭდად უნდა გამოიყენონ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს