საქართველოში ოფიციალური ვიზიტით თურქეთის სურსათის, სოფლის მეურნეობისა და მეცხოველეობის მინისტრი ფარუკ ჩელიკი იმყოფება.

აღსანიშნავია, რომ საქართველოს პრემიერ-მინისტრის, გიორგი კვირიკაშვილის თურქეთის რესპუბლიკაში ვიზიტის დროს, საქართველო-თურქეთის მაღალი დონის სტრატეგიული საბჭოს სხდომის ფარგლებში, ხელმოწერილ იქნა „ანკარის განცხადება“, რომლიც თანამშრომლობის კუთხით ორ ქვეყანას შორის ურთიერთობის გაღრმავებას ითვალისწინებს.

თურქეთის რესპუბლიკა საქართველოს მთავარი სავაჭრო პარტნიორია და მნიშვნელოვანია, ყველა საკითხი, რაც ქვეყნებისთვის ორმხრივად სასარგებლო და სასიკეთოა, დადებითად გადაწყდეს.

ვიზიტის ფარგლებში, საქართველო-თურქეთის სოფლის მეურნეობის ერთობლივი სამუშაო ჯგუფის მეორე შეხვედრა გაიმართა, რომლიც 1994 წლის შემდეგ არ ჩატარებულა.

შეხხვედრაზე სოფლის მეურნეობის მინისტრმა ოთარ დანელიამ  და თურქეთის სურსათის, სოფლის მეურნეობისა და მეცხოველეობის მინისტრმა, ფარუკ  ჩელიკმა ხელი მოაწერეს  ურთიერთთანამშრომლობის მემორანდუმს.

მემორანდუმი მცენარეთა წარმოებისა და სოფლის მეურნეობის მართვის სტრატეგიის მიმართულებით თანამშრომლობას ითვალისწინებს.

ვიზიტის ფარგლებში გამართულ შეხვედრაზე საუბარი შეეხო ქართული აგროსასურსათო პროდუქციის თურქეთი რესპუბლიკაში ექსპორტის საკითხებს, მათ შორის, ცოცხალი პირუტყვისა და ხორცის, თაფლის, ჩაის და სხვა სასოფლო-სამეურნეო პროდუქციის ექსპორტის ხელშეწყობას.

შეხვედრაზე აღინიშნა, რომ უსაფრთხოებისა და საერთაშორისო სტანდარტების დანერგვის უზრუნველყოფის მიზნით, საქართველოში ხორციელდება ცხოველთა ვაქცინაციისა და მსხილფეხა და წვრილფეხა  ცხოველთა იდენტიფიკაცია-რეგისტრაციის პროგრამები.

მნიშვნელოვანია, რომ სოფლის მეურნეობის სამინისტროს ლაბორატორიასა და ტრაპზონისა და რიზეს ლაბორატორიებს შორის თანამშრომლობით, ქართულმა მხარემ თურქეთის გამოცდილება გაიზიარა.

მინისტრის ვიზიტის  ფარგლებში, სასტუმრო „თბილისი მარიოტში“ ბიზნესფორუმი მიმდინარეობს, რომელშიც აგრარული მიმართულების უმსხვილესი კომპანიების წარმომადგენლები იღებენ მონაწილეობას.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში