აჭარის ფინანსთა და ეკონომიკის მინისტრის მოადგილემ იონა წითელაძემ დღეს  ბათუმის ხელოვნების ინსტიტუტის საექსპოზიციო სივრცეში გამოფენილი საფეხბურთო სტადიონის პროექტები დაათვალიერა.

ამის შესახებ „ექსპრესნიუსს“ აჭარის მთავრობის პრესსამსახურიდან აცნობეს.

მათივე ინფორმაციით, ესკიზები დღეს ქართველ ავტორებთან ერთად თავად ფეხბურთელებმაც მოინახულეს.

„საჯარო განხილვის შემდეგ სპეციალური კომისია საუკეთესო პროექტს შეარჩევს. მათ შეფასებაზე სამთავრობო და არასამთავრობო სექტორის წარმომადგენლებისაგან დაკომპლექტებული  საკონკურსო კომისია იმსჯელებს.

საკონკურსო ნამუშევრები 2015 წ. 12 მარტამდე ნებისმიერ მსურველს შეეძლება დაათვალიეროს ბათუმის ხელოვნების უნივერსიტეტში. 12-14 მარტს კონკურსანტებს მიეცემათ  პროექტების  კომისიის წინაშე პრეზენტაციის საშუალება.

საკონკურსო წინადადებები წარმოდგენილია პოლონური, ესპანური, იტალიური, ბერძნული, სლოვენური, უკრაინული და ქართული კომპანიებისაგან. სტადიონის პროექტირების საწყისი ღირებულება 650 000 ლარია“, - ნათქვამია აჭარის მთავრობის პრესსამსახურის განცხადებაში.

უეფას და ფიფას სტანდარტების სტადიონი 20 000 მაყურებელზე იქნება გათვლილი.

შეგახსენებთ, აჭარის ფინანსთა და ეკონომიკის სამინისტრომ ბათუმში სტადიონის საპროექტო-სახარჯთაღრიცხვო დოკუმენტაციის შედგენაზე კონკურსი 2015 წლის 5 იანვარს გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს