ბათუმის ბულვარში, სამშენებლო კომპანია „მეტრო სითის“ 500-მდე მუშა საპროტესტო აქციას მართავს.

როგორც „ექსპრესნიუსს“  აქციის ერთ-ერთმა ორგანიზატორმა ავთო აბრამიშვილმა განუცხადა, კომპანიაში მუშახელის უფლებები ირღვევა და მათ გაუსაძლის პირობებში ამუშავებენ.

კომპანიის მუშები  დასვენების დღის გამოყოფას და  სამუშაო საათებში მათთვის ნორმალური საკვები-პროდუქტების მიწოდებას ითხოვენ.

„ სიტუაცია შემდეგნაირია.  ირღვევა  ჩვენი,  მუშა ხელის უფლებები. ნორმალურ საკვებს არ გვაჭმევენ. დღეს გვითხრეს, რომ ვინც 8:00 საათზე შემოვა ობიექტზე, ყველას გაათავისუფლებენ სამსახურიდან. მსგავსი პრეცედენტი არცერთ ქვეყანაში არ ხდება. ჩვენ საერთოდ არ გვაქვს დასვენების დღე. არ გვაქვს იმის უფლება, რომ თუნდაც ერთი დღე დავისვენოთ. ვითხოვთ, რომ ჩვენი სამუშო დღე დაიწყოს დილის 9:00 საათზე და დამთავრდეს 18:00 საათზე, კვირა დღეს რომ დავისვენოთ   და ნორმალური საკვები მოგვაწოდონ. რას გვაჭმევენ ღმერთმა იცის. ყველა ცუდად ვართ, ზოგი იწამლება, ზოგი საერთოდ ვეღარ ჭამს საჭმელს და ვართ ასეთ გაუსაძლის პირობებში. გვამუშავებენ როგორც მონებს. დაახლოებით 500- მდე ადამიანი ვართ გაფიცული და სანამ ჩვენს მოთხოვნებს არ  გაითვალისწინებენ არ დავიშლებით“,-განუცხადა „ექსპრესნიუსს“ აქციის ორგანიზატორმა.

„ექსპრესნიუსი“ „მეტრო სითისთან“ დაკავშირებას ცდილობს, თუმცა კომპანიაში სატელეფონო ზარებს ამ დრომდე არ პასუხობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს