საქართველოს პრეზიდენტი გიორგი მარგველაშვილი ოჯახის წევრზე მომხდარ ზეწოლის ფაქტზე საუბრობს.

როგორც პრეზიდენტმა აღნიშნა, მისი ოჯახის წევრის სახლში სამართალდამცველებმა ყოველგვარი სასამართლოს დადგენილების გარეშე ჩხრეკა ჩაატარეს, რაც ზეწოლის მცდელობაზე მიანიშნებდა.

კითხვაზე, მიმართა თუ არა პრეზიდენტმა სამართალდამცავ ორგანოებს, გიორგი მარგველაშვილმა აღნიშნა, რომ „საზოგადოება არ შეაწუხა“.

"სააკაშვილის პერიოდი მაქვს გამოვლილი, ამიტომ ბუნებრივია ჩემთვის, ასეთი ტიპის ზეწოლა სასაცილოა. როდესაც ვნახე, რომ ეს ტენდენცია ღრმავდება, თუნდაც საკონსტიტუციო სასამართლოს მიმართ, მე ეს თემა საჯაროდ გამოვიტანე. საუბარი მაქვს სამართალდამცავი სისტემისა და პოლიტიკოსების ერთობლივ მოქმედებებზე. ეს იყო ზეწოლა ჩემი ოჯახის წევრზე, რომელიც გააჩერეს ქუჩაში, შემდეგ კი, მის სახლში ჩხრეკა ჩაატარეს. ეს ყოველგვარი სასამართლოს დადგენილების გარეშე მოხდა, იმის იმედით, რომ ამას რაიმე მოყვებოდა. ბუნებრივია ყველაფერი სუფთად იყო და არანაირი სამართალდარღვევა არ ყოფილა. იყო გარკვეული მინიშნებები, რომ ეს არის სწორედ ამ პიროვნებაზე ზეწოლის მცდელობა", - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა