დედოფლისწყაროს, საგარეჯოს და სიღნაღის მუნიციპალიტეტების 7 სოფლის წყალუზრუნველყოფის მიზნით სოფლის მეურნეობის სამინისტროს შპს „საქართველოს მელიორაციამ“ დახურული სარწყავი ქსელის მოწყობის პროექტი განახორციელა.

როგორც „ექსპრესნიუსს“ სოფლის მეურნეობის სამინისტროდან აცნობეს, პროექტის ღირებულებაა    350 000 ლარი.

უწყების ცნობით, 5 კილომეტრიანი მილსადენისა და კომპანიაში 2015 წელს გახსნილი მობილური მელიორაციის სამსახურის გადასატანი სატუმბი აგრეგატების მეშევობით შესაძლებელი გახდება 500 ჰექტარი სასოფლო-სამეურნეო მიწების სარწყავი წყლით უზრუნველყოფა. 

წელს კომპანიის მობილური მელიორაციის პარკი გაფართოვდა, რაც სარწყავი წყლის მიწოდების დამატებით შესაძლებლობას იძლევა ისეთი სასოფლო-სამეურნეო დანიშნულების მიწისათვის, რომლის წყალუზრუნველყოფაც სტაციონარული სატუმბი ინფრასტრუქტურის მეშვეობით არ ხდება. 

კახეთის რეგიონში 2012 წლიდან დღემდე სამელიორაციო ინფრასტრუქტრის 27 სარეაბილტაციო პროექტი განხორციელდა. შედეგად წყალუზრუნველყოფილი სასოფლო-სამეურნეო მიწის ფართობი რეგიონში 6 000 ჰექტრიდან 14 180 ჰექტრამდეა გაზრდილი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს