გამოძიების ცნობით, მიუნხენის სავაჭრო ცენტრზე თავდამსხმელს დეპრესიული სახის ფისიქიკური დაავადება ჰქონდა, - ამის შესახებ BBC პროკურორზე ტომას კოხზე დაყრდნობით იუწყება.

მედია საშუალების ინფორმაციით, 18 წლის თავდამსხმელი ექიმების დაკვირვების ქვეშ უნდა ყოფილიყო.

ამასთან, სამართალდამცველების ინფორმაციით, თავდამსხმელის სახლის ჩხრეკისას დიდი ოდენობით ბეჭდური სახის მასალები აღმოაჩინეს, სადაც იარაღის გამოყენებით მასობრივ თავდასხმებზე იყო საუბარი. ერთ-ერთი სტატია კი, "რატომ კლავენ სტუდენტები" სათაურით იყო.

წინასწარი ინფორმაციით, ეთნიკურად ირანელი თავდამსხმელი მიუნხენში დაიბადა.

როგორც BBC -ი გამოძიებაზე დაყრდნობით წერს, თავდამსხმელს Facebook-ის ყალბი პროფილი ჰქონდა გაკეთებული, რომლითაც ის ხალხს იმ ტერიტორიაზე ეპატიჟებოდა, სადაც შემდგომ თავდასხმა განახორციელა.

მიუნხენის პოლიციის ცნობით, ამ დროისთვის არ არსებობს არანაირი ინფორმაცია თავდამსხმელის კავშირზე „ისლამურ სახელმწიფოსთან“.

გერმანიაში გლოვაა გამოცხადებული.

შეგახსენებთ, რომ შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ