მიუნხენში სროლის შედეგად, ბოლო მონაცემებით, ცხრა ადამიანი გარდაიცვალა, 10 კი დაშავდა, - ამის შესახებ BBC იუწყება.

როგორც მედია საშუალება წერს, დაუზუსტებელი ინფორმაციით კიდევ ერთი ადამიანია გარდაცვლილი, თუმცა ეს ოფიციალურად არ დასტურდება.

ადგილობრივი სამართალდამცველების ვარაუდით, გარდაცვლილთა შორის შესაძლოა თავად თავდამსხმელი იყოს.

ამასთან, მედიის ინფორმაციით, თავდამსხმელების ძებნა ამ დრომდე გრძელდება. სამართალდამცვეები თვითმხილველებს მოუწოდებენ, მთ ხელთ არსებული ყველა ფოტო და ვიდეო მიაწოდონ. ადგილობრივი ხელისუფლება მოსახლეობას სახლში დარჩენისკენ მოუწოდებს.

ცნობისთვის, დღეს გერმანიის კანცლერი ანგელა მერკელი უშიშროების საბჭოს სხდომას გამარტავს. შეხვედრაში მონაწილეობას თავდაცვის მინისტრი, ვიცეკანცლერი, საგარეო საქმეთა, იუსტიციის, ფინანსთა, განვითარებისა და შინაგან საქმეთა მინისტრები მიიღებენ. მიუნხენში გერმანიის შინაგან საქმეთა მინისტრი ტომას დე მაზიერი ჩავა.

შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

გავრცელებული ინფორმაციით, სავაჭრო ცენტრში ცეცხლი 18 წლის ირანელმა ახალგაზრდამ გახსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ