შევთავაზე პაპუაშვილს, რომ მაქსიმალურად მოკლე პერიოდში პროკურატურას მიაწოდოს ინფორმაცია, რასაც ის ფლობს, - ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებს განუცხადა. 

მინისტრის თქმით, ის პაპუაშვილს ტელეფონით გაესაუბრა და შესაძლოა უახლოეს პერიოდში შეხვდეს. 

"პაპუაშვილის განცხადების მერე, სულ რაღაც ერთი საათის განმავლობაში, მე დავუკავშირდი ტელეფონით გიორგი პაპუაშვილს. ვესაუბრე გენერალურ პროკურორსაც. შევთავაზე პაპუაშვილს, რომ მაქსიმალურად მოკლე პერიოდში პროკურატურას მიაწოდოს ინფორმაცია, რასაც ის ფლობს. მთავარ პროკურორსაც ვესაუბრე და ისინი ჩაიბარებენ ჩვენებას.

არანაირი პრობლემა არ მაქვს პაპუაშვილთან შეხვედრის. უახლოეს პერიოდში შესაძლებელია ჩვენ შევხვდეთ, მაგრამ დრო რომ არ დავკარგოთ, კარგი იქნება ყველა იმ ადამიანმა, რომელსაც რაიმე პრობლემა გააჩნია, მიმართოს პროკურატურას", - განაცხადა კვირიკაშვილმა. 

შეგახსენებთ, რომ საკონსტიტუციო სასამართლოს თავმჯდომარე გიორგი პაპუაშვილის განცხადებით, საკონსტიტუციო სასამართლოს მოსამართლეებზე მიზანმიმართული ზეწოლა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა