საქართველოს საგარეო საქმეთა მინისტრი მიხეილ ჯანელიძე საქართველოში ვიზიტით მყოფ აშშ-ის კონგრესის დელეგაციას, ზედამხედველობისა და სამთავრობო რეფორმის კომიტეტის თავმჯდომარის ჯეისონ ჩეფეტს შეხვდა. 

აშშ-ის კონგრესის დელეგაციაში შედიოდნენ ამავე კომიტეტის, ასევე კონგრესის საგარეო ურთიერთობათა, საბიუჯეტო და შემოსავლების კომიტეტების წარმომადგენლები. 

შეხვედრაზე მინისტრმა კონგრესის დელეგაციას მიაწოდა ინფორმაცია საქართველოს ეკონომიკური განვითარების, მიმდინარე დემოკრატიული რეფორმების, საგარეო პოლიტიკური პრიორიტეტების, ქვეყნის ოკუპირებულ ტერიტორიებზე არსებული ვითარებისა და რეიონული უსაფრთხოების საკითხებზე. 
მხარეებმა აგრეთვე ვრცლად მიმოიხილეს ორმხრივი თანამშრომლობის დღის წესრიგი და სტრატეგიული პარტნიორობის ქარტიის კომისიის ფარგლებში მიღწეული მნიშვნელოვანი შედეგები. ხაზი გაესვა აშშ-ის საკანონმდებლო ორგანოსთან თანამშრომლობის გაღრმავების მნისვნელობას ორმხრივი პარტნიორული ურთიერთობების ყველა პრიორიტეტული მიმართულების ხარდაჭერის მიზნით. 

კონგრესის დელეგაციამ დაადასტურა აშშ-ის საკანონმდებლო ხელისუფლების ურყევი მხარდაჭერა საქართველოს სუვერენიტეტისა და ტერიტორიული მთლიანობის, ქვეყანაში მიმდინარე რეფორმების დემოკრატიული და ეკონომიკური განვითარების, ევროპული და ევროატლანტიკური ინტეგრაციის კურსის მიმართ და დააფიქსირა სრული მზაობა, ხელი შეუწყოს ქვეყნის შორის სტრატეგიული პარტნიორობის შემდგომი განმტკიცების პროცესს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა