საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის" ორგანიზებით, ბათუმში, ყოფილ პატიმართა რეაბილიტაციის ხელშეწყობის მიზნით ოთხთა ტურნირი გაიმართა. 

ამხანაგურ მატჩებში ერთმანეთს ადგილორბივი თვითმმართველობის გუნდები და სსიპ „დანაშაულის პრევენციის ცენტრის“ ბენეფიციარები - ყოფილი პატიმრები - დაუპირისპირდნენ.

ცენტრის ინფორმაციით, მატჩები ბათუმის ბულვარის სტადიონზე გაიმართა. გამარჯვებულ გუნდებს მედლები და თასები გადაეცათ.

ოთხთა ტურნირში მონაწილეობდნენ: სსიპ „დანაშაულის პრევენციის ცენტრი"; ბათუმის განათლების, განვითარების და დასაქმების ცენტრი; აჭარის პრობაციის ბიუროს; აჭარის სპორტისა და ახალგაზრდობის საქმეთა დეპარტამენტი.

ამხანაგურ ტურნირში აჭარის სპორტისა და ახალგაზრდობის საქმეთა დეპარტამენტის გუნდმა გაიმარჯვა.

როგორც ცნობილია, იუსტიციის სამინისტროს სსიპ „დანაშაულის პრევენციის ცენტრი" ახორციელებს „ყოფილ პატიმართა რეაბილიაციისა და რესოციალიზაციის პროგრამას", რომელიც იუსტიციის მინისტრის ინიციატივით 2012 წლის ბოლოს შეიქმნა. პროგრამის მიზანი სასჯელაღსრულების დაწესებულებებიდან გათავისუფლებული იმ პირების რეაბილიტაციის ხელშეწყობაა, რომლებიც არ არიან პრობაციონერები და ამიტომ კიდევ მეტად ჭირდებათ სახელმწიფოს დახმარება. ყოფილ პატიმრებზე სახელმწიფო მზრუნველობა საზოგადოების განმეორებითი დანაშაულისაგან დაცვის წინაპირობაა. პროგრამით გათვალისწინებულია ყოფილ პატიმართა ოჯახების წევრების დახმარებაც. პროგრამა მიმდინარეობს თბილისში, გორში, ქუთაისში, ზუგდიდსა და ბათუმში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს