საფრანგეთში საქართველოს საკონსულოსთვის ნიცაში მომხდარ ტერაქტთან დაკავშირებით, საქართველოს მოქალაქეებს ჯერჯერობით არ მიუმართავთ.

ამის შესახებ „ექსპრესნიუსს“ საგარეო საქმეთა სამინისტროში განუცხადეს.

მათივე ინფორმაციით, საკონსულოში 24 საათიანი ცხელი ხაზია ამოქმედებული (+33 7 83 31 86 89).

"ცხელი ხაზია ამოქმედებული, რომელზეც ნებისმიერ მოქალაქეს ვინც ნიცაში იმყოფება ან აქვს ინფორმაცია ახლობლების შესახებ შეუძლია საკონსულოს დაუკავშირდეს", - აცხადებენ უწყებაში.

საგარაო უწყების ცნობით, საქართველოს საელჩო თავად დაუკავშირდა იმ ქართველებს, რომლებიც მათი ინფორმაციით ნიცაში იმყოფებიან.

როგორც მოქალაქეებმა განაცხადეს ისინი უსაფრთხო არიან. საქართველოს საკონსულო საფრანგეთის სამართალდამცველებთან მუდმივ კონტაქტზეა.

შეგახსენებთ, რომ გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. ტერაქტის შედეგად 84 ადამიანი გარდაიცვალა, მათ შორის არიან ბავშვებიც. მედიის ინფორმაციით, ათობით ადამიანი დაშავებულია, 18 მათგანი კი კრიტიკულ მდგომაროებაშია.  მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე