დევიდ ბოუის პირადი კოლექციის ტილოები ლონდონში “სოტბის” აუქციონზე გაიყიდება, - ამის შესახებ BBC იუწყება. 

მედია საშუალების ინფორმაციით, ლეგენდარული ბრიტანელი მუსიკოსის კოლექცია დაახლოებით 300 ნამუშევრისგან შედგება. მათ შორის ისეთი ხელოვანების ტილოებია წარმოდგენილი, როგორებიც არიან ჟან-მიშელ ბასკია, დემიენ ჰერსტი, ჰენრი მური, პატრიკ კოლფილდი, პიტერ ლანიონი და მარსელ დიუშანი. 

როგორც BBC წერს, აუქციონი ნოემბერში გაიმართება. დევიდ ბოუის კოლექცია საზოგადოებისთვის პირველად გამოიფინება. კოლექციის საერთო ღირებულება სავარაუდოდ 13 მილიონ დოლარს აღემატება. ყველაზე ძვირადღირებულ ლოტად ამერიკელი მხატვრის ჟან-მიშენ ბასკიას ტილო “ჰაერის ძალა” ითვლება. ნახატის სავარაუდო ფასი 3,3-4,6 მილიონი დოლარია.

ცნობისთვის, დევიდ ბოუი მრავალი მუსკალური ჯილდოს, მათ შორის “გრემის” მფლობელია. 2004 წელს ჟურნალმა Rolling Stone-მა ის “როკ-მუსიკის ყველა დროის საუკეთესო შემსრულებლების ასეულში” 39-ე ადგილზე, ხოლო “ყველა დროის საუკეთესო ვოკალისტების ასეუში” 23-ე ადგილზე დაასახელა.

შეგახსენებთ, რომ მომღერლის ბოლო ალბომი Blackstar 2015 წლის 8 იანვარს გამოვიდა. დევიდ ბოუი 2016 წლის 10 იანვარს 69 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს