ევროპარლამენტის საგარეო ურთიერთობათა კომიტეტის თავმჯდომარე ელმარ ბროკი იმედოვნებს, რომ ევროპარლამენტი საქართველოსთვის სავიზო რეჟიმის გაუქმების შესახებ საკანონმდებლო ინიციატივას სექტემბერში უყრის კენჭს, - განცხადება მის ოფიციალურ ვებგვერდზე elmarbrok.de გამოქვეყნდა.

თავის მხრივ ევროკავშირის თავმჯდომარე ქვეყნის, სლოვაკეთის საგარეო საქმეთა მინისტრის მიროსლავ ლაიჩაკის განცხადებით, საქართველოს ვიზალიბერალიზაციის საკითხთან დაკავშირებით ის ოპტიმისტურად არის განწყობილი.

როგორც ლაიჩაკმა აღნიშნა, ის ელოდება, რომ ევროკავშირი პოლიტიკურ გადაწყვეტილებას შესაბამის დროს მიიღებს.

შეგახსენებთ, რომ 7 ივლისს ევროპარლამენტის საგარეო ურთიერთობათა კომიტეტმა მხარი დაუჭირა საქართველოსთვისა და უკრაინისთვის სავიზო რეჟიმის გაუქმების საკანონმდებლო ინიციატივებს.

ცნობისთვის, საგარეო ურთიერთობათა კომიტეტმა  სამოქალაქო თავისუფლებების, მართლმსაჯულებისა და საშინაო საქმეთა კომიტეტს მიმართა რეკომენდაციით, ვიზალიბერალიზაციის ინიციატივა რაც შეიძლება მალე დაამტკიცოს .

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა