სოფლის მეურნეობის მინისტრი ოთარ დანელია აშშ-ის თავდაცვის დეპარტამენტის საფრთხის შემცირების სააგენტოს (DTRA) ბიოლოგიური უსაფრთხოების პროგრამის (CBEP) უფროსს ლანს ბრუკს და აშშ-ს დაავადებათა კონტროლისა და პრევენციის ცენტრის (CDC)  წარმომადგენელს ჯორდან ტაპეროს შეხვდა. 

შეხვედრაზე მხარეებმა სამომავლო თანამშრომლობის საკითხები განიხილეს. საუბარი შეეხო  აშშ-ის მხარდაჭერის  მნიშვნელობას, რომლის ფარგლებშიც  საქართველოს მასშტაბით ლაბორატორიის კვლევითი ბაზების ჩამოყალიბება მოხდა, განხორციელდა მათი თანამედროვე მატერიალურ-ტექნიკური ბაზით აღჭურვა და თანამშრომელთა კვალიფიკაციის ამაღლება.

შეხვედრაზე ოთარ დანელიამ ისაუბრა სურსათის უვნებლობის, ვეტერინარიისა და მცენარეთა დაცვის მიმართულებით განხორციელებულ მნიშვნელოვან პროექტებზე და ქვეყანაში ეპიზოოტიური კეთილსაიმედოობის შენარჩუნების კუთხით გამართულ ლაბორატორიული ქსელის მნიშვნელობის საკითხზე გაამახვილა ყურადღება.

მინისტრმა აღნიშნა, რომ ვეტერინარული კეთილსაიმედოობის უზრუნველყოფა უწყების ერთ-ერთი პრიორიტეტული მიმართულებაა. ოთარ დანელიამ დეტალურად ისაუბრა თანამედროვე სტანდარტების სასაკლაოების, ასევე გადასარეკი ტრასების მოწყობის მნიშვნელობის შესახებ. მინისტრმა ყურადღება გაამახვილა საქართველოდან ცოცხალი საქონლის ექსპორტის მზარდი დინამიკის შესახებ. 

შეხვედრას სოფლის მეურნეობის მინისტრის პირველი მოადგილე ნოდარ კერესელიძე და სურსათის ეროვნული სააგენტოს უფროსო ზურაბ ჩეკურაშვილი ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა