ოკუპირებულ აფხაზეთში ე.წ. ვადამდელი საპრეზიდენტო არჩევნების დანიშვნის შესახებ რეფერენდუმი მოსახლეობის დაბალი აქტივობის გამო არ შედგა, - ამის შესახებ "სპუტნიკ-აბხაზია" იუწყება.

როგორც არაღიარებული რესპუბლიკის დეფაქტო ცენტრალური საარჩევნო კომისიის თავმჯდომარემ ბატალ ტაბაღუამ განაცხადა, ამომრჩეველთა აქტივობამ 1,23% შეადგინა. ხმის მიცემის პროცედურაში 1628 ადამიანმა მიიღო მონაწილეობა.

მედია საშუალების ინფორმაციით,  ე.წ. რეფერენდუმი იმ შემთხვევაში შედგებოდა, თუ მასში მონაწილეობას რეგისტრირებულ ამომრჩეველთა 50% მეტი მიიღებდა.

ამასთან, აფხაზეთის "ცესკოს" მონაცემებით, ამომრჩეველთა ხმები თითქმის თანაბრად გაიყო. ე.წ. ვადამდელი საპრეზიდენტო არჩევნების დანიშვნას 750 ადამიანმა მისცა ხმა, წინააღმდეგ კი - 761-მა.

ოპოზიციას ანალოგური რეფერენდუმის დანიშვნის მოთხოვნა მხოლოდ 2 წლის შემდეგ შეეძლება. აფხაზეთის დეფაქტო პრეზიდენტმა უკვე განაცხადა, რომ ოპოზიციასთან დიალოგისთვის მზად არის.

შეგახსენებთ, რომ გასულ კვირას ოპოზიციამ საკუთარი ინიციატივით დანიშნული რეფერენდუმის შემოდგომაზე გადატანა მოითხოვა. 5 ილისს სოხუმში ე.წ. შინაგან საქმეთა სმაინისტროს შენობასთან დემონსტრანტებსა და ადგილობრივ სამართალდამცველებს შორის შეტაკება მოხდა. მომიტინგეები დეფაქტო მინისტრის გადადგომას ითხოვდნენ.

აქციის მონაწილეები ლეონიდ ძიაპშბას კრიმინოგენური ვითარების გაუარესებასა და რეფერენდუმზე მოსახლეობის ნების თავისუფალი გამოხატვის შეზღუდვაში ადანაშაულებდნენ.

მოგვიანებით, რაულ ხაჯიმბასა და ოპოზიციის წარმომადგენლების მოლაპარაკებების შედეგად, დეფაქტო პრეზიდენტმა ლეონიდ ძიაპშბას უფლებამოსილება შეუჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს