სამი დღის განმავლობაში, მესტიის მუნიციპალიტეტის მოსახლეობას უფასო სამედიცინო გასინჯვები და ოპერაციები ჩაუტარდა.

სამედიცინო აქცია მესტიისა და ზემო სვანეთის მიტროპოლიტის ინიციატივითა და ჯანდაცვის სამინისტროს საგანგებო სიტუაციებისა და კოორდინაციის რეჟიმის დეპარტამენტის ორგანიზებით გაიმართა.

სამი დღის განმავლობაში, ადგილობრივებს სამედიცინო მომსახურებას რესპუბლიკური საავადმყოფოს წამყვანი ექიმ-სპეციალისტები უწევდნენ. მრავალპროფილური სამედიცინო აქციის ფარგლებში, ოფთალმოლოგს კონსულტაციისთვის მიმართა 125-მაპაციენტმა. ჩატარდა კატარაქტის 12 და რქოვანადან უცხო სხეულის ამოღების 2 ოპერაცია. გინეკოლოგის კონსულტაციითა და კოლპოსკოპიით ისარგებლა 33-მა ადამიანმა. კარდიოლოგს კონსულტაციისთვის მიმართა 120-მა პაციენტმა, ამდენივეს ჩაუტარდა ექოკარდიოსკოპია. გასტროენტეროლოგის კონსულტაცია გაეწია 31  პირს, ენდოკრინოლოგის – 57-ს, ნევროლოგის – 45-ს, თერაპევტის –  41-ს, ოტორინოლარინგოლოგის –114-ს, ყბა–სახის ქირურგის – 12-ს, უროლოგის კი 26 ადამიანს.

აქციის ფარგლებში, ჩატარდა სხვადასხვა სახის ინსტრუმენტული კვლევა, მათ შორის - 48 რენტგენოგრაფია, 90 ექოსკოპია, 16 გასტროსკოპია და 2 კოლონოსკოპია. სამედიცინო აქციის ფარგლებში, პაციენტებს ოპერაციებიც გაუკეთდათ. სამი დღის განმავლობაში, ჩატარდა ლაპარასკოპიული ქოლეცისტექტომიის  2, თიაქარკვეთის 2 და ცისტოლითოტომიის 1 ოპერაცია.

მრავალპროფილური სამედიცინო აქციის ფარგლებში, პაციენტებს მედიკამენტები დაურიგდათ. დანიშნულების შესაბამისი 20 დასახელების, 18735.40 ლარის ღირებულების ფარმაცევტული პროდუქტი "ჰუმანითი ჯორჯიამ"  მესტიის მუნიციპალიტეტის მოსახლეობას უსასყიდლოდ გადასცა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს