საქველმოქმედო ფონდ „იავნანამ“ გრანდიოზული ტელემარათონი თბილისის ხანდაზმულთა პანსიონატის მოხუცებს მიუძღვნა.
 
ფილარმონიის დიდი საკონცერტო დარბაზის სცენაზე ნინო ქათამაძის სოლო კონცერტი გაიმართა.
საქველმოქმედო აქციაში საქართველოს სიმფონიური ორკესტრი, ნიკოლოზ რაჭველის ხელმძღვანელობით და ქართული საესტრადო და საოპერო სცენის ვარსკვლავებმაც მიიღეს მონაწილეობა.

„დღევანდელი საღამო იყო დიდი ზეიმი სიყვარულის და გვერდში ამოდგომის“, - ასე შეაფასა საქველმოქმედო ფონდ „იავნანას“ პრეზიდენტმა პაატა ბურჭულაძემ ჩატარებული კონცერტი.
„იავნანა“ ტრადიციულად 3 მარტის საქველმოქმედო კონცერტს მრავალშვილიან დედებს უძღვნიდნენ. წელს კი გადაწყდა, რომ საქველმოქმედო კონცერტი თბილისის ხანდაზმულთა პანსიონატის მოხუცებისთვის გამართულიყო.

როგორც „ექსპრესნიუსს“ ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდში განუცხადეს, „იავნანას“ ფონდიდან შემოსული თანხა იქნება დამატებითი რეზერვი სხვა არასამთავრობო ორგანიზაციებისა და ტრეფიკინგის ფონდის თანადაფინანსებით პანსიონატში გათბობის პრობლემის მოსაგვარებლად. გადარიცხული თანხა არამხოლოდ ბენეფიციარების გათბობას, არამედ სოციალურად დაუცველებსაც მოხმარდება.

კონცერტის გამართვამდე ბაატა ბურჭულაძე თემქის, ხანდაზმულთა სახლში მივიდა და იქ გამართულ კონცერტსაც დაესწრო, რომელიც „დედის დღეს“ მიეძღვნა.

კონცერტში მონაცილეობა თავად ხანდაზმულება მიიღეს.

მასპინძლობა მოხუცებს „ზედაზენმა“ გაუწია და ტკბილეულობითა და ლიმონათებით დაასაჩუქრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს