სამართალდამცველებმა დაკაში მდებარე კაფე, სადაც ტერორისტებს მძევლები ჰყავდათ აყვანილი, შტურმით აიღეს

2016-07-02 13:43:45, 1343 ნახვა

მსოფლიო

სპეცდანიშნულების ძალებმა ბანგლადეშის დედაქალაქ დაკაში მდებარე კაფე, სადაც ტერორისტებმა 20-მდე ადამიანი მძევლად აიყვანეს, შტურმით აიღეს.

BBC-ს ინფორმაციით, 6 ტერორისტი ლიკვიდირებულია. ამასთან, სპეცოპერაციის დროს 2 პოლიციელი დაიღუპა და 30-მდე ადამიანი დაშავდა.

სამართალდამცველების ცნობით, 13 მძევალი გათავისუფლებულია, მათ შორის 7 იტალიის მოქალაქე.

ცნობისთვის, გუშინ, ბანგლადეში დედაქალაქ დაკაში, შეიარაღებულმა პირებმა დიპლომატიურ კორპუსს ცეცხლი გაუხსნეს, შემდეგ კი, ერთ-ერთ კაფეში მძევლები აიყვანეს. წინასწარი ინფორმაციით, თავდასხმა 9 ტერორისტმა განახორციელა.

მომხდარზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო. მოგვიანებით დაჯგუფებამ განაცხადა, რომ მისმა მებრძოლებმა 24 მძევალი მოკლეს, თუმცა ეს ინფორმაცია ოფიციალურად ჯერ არ დადასტურებულა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან