საქართველოს პრეზიდენტის ადმინისტრაციის უფროსი გიორგი აბაშიშვილი ქვეყნის პირველი პირის გერმანიაში ოფიციალური ვიზიტის მნიშვნელობას აფასებს და იმ თემებზე საუბრობს, რაზეც დღეს საქართველოს პრეზიდენტი ბერლინში ოფიციალურ შეხვედრებზე გაამახვილებს ყურადღებას.

აბაშიშვილის თქმით, მნიშვნელოვანია, ევროპულ დღის წესრიგში საქართველოს საკითხი კიდევ უფრო გააქტიურდეს.

"დღეს, როდესაც ევროპა  გამოწვევების წინაშე დგას, მათ შორის, განსაკუთრებით მნიშვნელოვანი საკითხია  ბრიტანეთში გამართული რეფერენდუმი,  ამ დროს კიდევ უფრო მეტად მნიშვნელოვანია საქართველოს პრეზიდენტის ვიზიტი გერმანიაში და კიდევ უფრო მეტად მნიშვნელოვანია, რომ ევროპულ დღის წესრიგში უფრო მეტად გააქტიურდეს საქართველოს საკითხი.

ცხადია, შეხვედრებზე კანცლერთან, პრეზიდენტთან და სხვა მაღალი რანგის სახელმწიფო მოხელეებთან პრეზიდენტი განსაკუთრებულ ყურადღებას გაამახვილებს საქართველოს მჭიდრო ინტეგრაციაზე ევროპაში, ამ კუთხით ევროპის კიდევ უფრო მეტ მხარდაჭერის მოპოვებაზე ვიზალიბერალიზაციის საკითხზე, ამ თვალსაზრისით გერმანიის მხარდაჭრის მნიშვნელობაზე და ამავდორულად მოახლოებულ ნატოს სამიტზე ვარშავაში, სადაც ამავე დროს ძალიან დიდი მნიშვნელობა ენიჭება საქართველოს მხარდაჭერას და საქართველოს როლის ხაზგასმას ევროატლანტიკური უსაფრთხოების საკითხებში",- განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე