საქართველოს პრემიერ-მინისტრი გიორგი კვირიკაშვილი სტამბულში, ათა თურქის სახელობის აეროპორტში მომხდარ ტერაქტს საკუთარი "ტვიტერის" მეშვეობით გამოეხმაურა.

„შოკირებული და ძალიან დამწუხრებული ვართ ათათურქის აეროპორტში მომხდარი თავდასხმით. თქვენს გვერდში ვართ და თქვენთვის ვლოცულობთ“, - წერს საქართველოს პრემიერ-მინისტრი.

ათათურქის სახელობის აეროპორტში მომხდარ ტერაქტებს სულ მცირე 28 ადამიანი ემსხვერპლა. დაშავებულია 60 ადამიანი, აქედან ექვსის მდგომარეობა მძიმეა. - ამის შესახებ, ჟურნალისტებს თურქეთის იუსტიციის მინისტრმა ბეკირ ბოზდაგმა განუცხადა.

მინისტრის ინფორმაციით, ერთ-ერთმა ტერორისტმა აეროპორტის დაცვას ცეცხლი კალაშნიკოვის ავტომატით გაუხსნა. ვრცელდება ვიდეოკადრები სადაც ჩანს, რომ ტერორისტი თავს იფეთქებს. აეროპორტში ტერაქტები სამმა თვითმკვლელმა ტერორისტმა განახორციელა. როგორც ადგილობრივი მედია იტყობინება, ამის შესახებ სტამბოლის გუბერნატორმა ვასიპ შაჰინმა განაცხადა. 

პასუხისმგებლობა მომხდარისთვის ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე