ბათუმში, მერიის წინ  გონიოს მოსახლეობა უკვე ოთხი დღეა   24-საათიან აქციას მართავს.

გონიოს მოსახლეობის მოთხოვნაა, ბათუმის  საკრებულომ განიხილოს გონიოს მიწების საკითხი, აქციის მონაწიილები აცხადებენ, რომ  ვიდრე საკითხის განხილვა არ მოხდება, ისინი დაშლას არ აპირებენ.

აქციის მონაწილეების თქმით, 2010 წელს 271 ოჯახს მიწები უკანონოდ ჩამოართვეს. ითხოვენ, რომ საკრებულომ ამ საკითხზე მუშაობა დაასრულოს.

როგორც „ექსპრესნიუსის“ რეპორტიორი ადგილიდან იუწყება აქციის მონაწილეები დაშლას იქამდე არ აპირებენ, სანამ შესაბამისი ორგანოები მათ კონკრეტულ პასუხს არ გასცემს.

"2010 წელს, „ნაციონალური მოძრაობის“ დროინდელმა ხელისუფლებამ ბათილად ცნო გონიოში 271 ოჯახზე გაცემული საკუთრების მოწმობები ანუ 271 ოჯახს წაგვარვეს მიწები. ამის შემდეგ ვითხოვთ ჩვენი საკუთრების დაბრუნებას. 2014 წელს აჭარის მთავრობის თავჯდომარემ შექმნა შერეული კომისია, ამ კომისიამ შეისწავლა ეს საკითხი თუ რამდენად კანონიერად იყო ეს მიწები ჩამორთმეული და დადო შესაბამისი დასკვნა, რომელიც წარედგინა საკრებულოს. იგი უფლება მოსილია განიხილოს ეს საკითხი. მიმდინარეობს უკვე წელიწადნახევარია ადმინისტრაციული წარმოება და  შედეგები ჯერ არ არის. 

ადმინისტრაციული წარმოება არ შეიძლება გაგრძელდეს მუდმივად უკვე გავიდა 19 თვე ამიტომ მოვთხოვეთ საკრებულოს გამოეცა აღჭურველი ინდივიდუალური ადმინისტრაციული სამართებლივი აქტი ამ საკითხთან დაკავშირებით. დაეხურა ადმინისტარციული წარმოება, დაედო და მიეღო საერთო გადაწყვეტილება. ვინაიდან ვერ შევთანხმდით. სამშაბათს დავიწყეთ 24 სათიანი აქცია და მანამ სანამ საკრებულო არ განიხილავს ამ საკითხს და არ გამოცემს სამართებლივ აქტს.

ჩვენ გვქონდა შეხვედრა საკრებულოს წევრთან ირაკლი მიქელაძესთან და მიწის აღიარების კომიისის თავჯდომარე ლევან კინწურაშვილთან მათ გვითხრეს, რომ რამოდენიმე დღეში იქნებოდა გამოტანილი მაგრამ ვინაიდან ნდობა არის ძალიან დაბალი გადავწყვიტეთ აქცია გავაგრძელოთ იქამდე, სანამ არ მიიღებს ადმინისტრაციულ აქტს. შეგვპირდნენ, რომ კომისია სამშაბათს აუცილებლად დასრულებს მუშაობას“, - აცხადებს აქციის ერთ-ერთი მონაწილე ენვერ ირემაძე.

ხვიჩა მამულაძე

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს