სტამბოლის ტერაქტზე პასუხისმგებლობა "ქურთისტანის გათავისუფლების ქორებმა" აიღეს

2016-06-10 13:15:44, 1305 ნახვა

მსოფლიო

სტამბოლში 7 ივნისს განხორციელებულ ტერაქტზე პასუხისმგებლობა საკუთარ თავზე დაჯგუფება "ქურთისტანის გათავისუფლების ქორებმა" აიღო, - ამის შესახებ თურქული სააგენტო Huriaty იუწყება.

როგორც მედია საშუალება დაჯგუფების ვებ გვერდზე დაყრდნობით იუწყება, თავდასხმა თურქეთის სამხრეთ-აღმოავლეთში მიმდინარე სამხედრო ოპერაციაზე პასუხი იყო. ამავე დროს, "ქურთისტანის გათავისუფლების ქორების" მებრძოლები უცხოელ ტურისტებს მოუწოდებენ, უსაფრთხოების მიზნით თურქეთში არ ჩავიდნენ.

შეგახსენებთ, სტამბოლის ცენტრალურ რაიონ ბეიაზიტ ვეზნეჯილერში მეტროპოლიტენთან ახლოს, დანაღმული ავტომობილი აფეთქდა.

აფეთქების შედეგად დაღუპულთა რაოდენობა 11-მდე გაიზარდა, სულ მცირე 36 ადამიანი დაშავებულია.

ამასთან, თურქეთის პრეზიდენტმა რეჯეპ ტაიპ ერდოღანმა სტამბოლში მომხდარ აფეთქებაზე პასუხისმგებლობა "ქურთისტანის მუშათა პარტიას" დააკისრა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან