შინაგან საქმეთა მინისტრის პირველი მოადგილე ბესიკ ამირანაშვილი ბაქოში აზერბაიჯანის შინაგან საქმეთა მინისტრ რამილ უსუბოვს და მინისტრის პირველ მოადგილე ვილაეტ ეივაზოვს შეხვდა.

უწყების ინფორმაციით, შეხვედრაზე საქართველოსა და აზერბაიჯანის სამართალდამცავ სტუქტურებს შორის მრავალმხრივი თანამშრომლობის საკითხები განიხილეს.

მხარეებმა რეგიონის უსაფრთხოების მიზნით განხორციელებულ ერთობლივ ღონისძიებებზე, ასევე, დანაშაულის წინააღმდეგ ბრძოლაში საერთაშორისო საპოლიციო თანამშრომლობის გაღრმავების მნიშვნელობაზე ისაუბრეს, მათ შორის, ორმხრივი ურთიერთობების, პოლიციის ატაშეებისა და ინტერპოლის მეშვეობით.

შეხვედრაზე ხაზი გაესვა ტრანსასაზღვრო დანაშაულისა და კრიმინალის პრევენციისათვის ინფორმაციის ინტენსიურ რეჟიმში გაცვლის აუცილებლობას და ამ კუთხით, საქართველოსა და აზერბაიჯანის პოლიციის ატაშეების წარმატებულ საქმიანობას.

საქართველოს შს სამინისტროს ინიციატივით, საფუძველი ჩაეყარა მოსაზღვრე რეგიონების პოლიციის ხელმძღვანელების ყოველწლიურ შეხვედრებს. პირველი შეხვედრა საქართველოში, 2016 წლის ივნისში შედგება, მომდევნო შეხვედრები კი წელიწადში ერთხელ, როტაციის პრინციპით გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა