ადგილობრივ მოსახლეობასაც რომ ვკითხოთ, იქ ყველაფერი წესრიგში იყო მანამ, სანამ ეს უბედურება მოხდებოდა, - ამის შესახებ საპარლამენტო უმრავლესობის ლიდერმა ზვიად კვაჭანტირაძემ „ქართული ოცნების“ პოლიტსაბჭოს დასრულების შემდეგ, ხურჩაში მომხდარ მკვლელობასთან დაკავშირებით განაცხადა.

 „ძალიან სასიხარულოა, რომ იდენტიფიცირებულია ეს დამნაშავე, რომელმაც ასეთი ვერაგი მკვლელობა ჩაიდინა. ეს ჯერ კიდევ კონფლიქტის ზონაა და ჩვენ ეს უნდა გვახსოვდეს. საუბედუროდ მოხდა ასეთი ცუდი ფაქტი, გარდაიცვალა კარგი ადამიანი, მაგრამ აქედან ისეთი დასკვნების გაკეთება, რომ ხელისუფლება ამასთან მიმართებაში რაიმეს არ აკეთებს სათანადოდ, არის აბსოლუტური სპეკულაცია“, - განაცხადა კვაჭანტირაძემ.

კითხვაზე - არსებობს თუ არა უშიშროების საბჭოს მოწვევის საჭიროება, უმრავლესობის ლიდერმა აღნიშნა, რომ საბჭოს ძალიან სერიოზული ვალდებულებები აქვს გაწერილი.

„საბჭოს თავისი გაწერილი, ძალიან სერიოზული ვალდებულებები აქვს. თუ პრეზიდენტი ჩათვლის საჭიროდ, მოიწვიოს უშიშროების საბჭო, ეს მისი პრეროგატივაა და ამაზე კომენტარს არ გავაკეთებ“, - განაცხადა კვაჭანტირაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს