2016-05-14 14:26:45, 1299 ნახვა
მსოფლიო
ბანგლადეშში 50-ზე მეტი ადამიანი მეხის დაცემის შედეგად დაიღუპა
ბანგლადეშში, ბოლო ორი დღის განმავლობაში, მეხის დაცემის შედეგად 50-ზე მეტი ადამიანი დაიღუპა, - ამის შესახებ BBC ადგილობრივ პოლიციაზე დაყრდნობით იუწყება.
მედიის ინფორმაციით, გარდაცვლილთა უმრავლესობა ფერმერები არიან, რომლებიც მინდორში მუშაობის დროს დაიღუპნენ.
მსხვერპლთა შორის ორი სტუდენტია, რომლებსაც მეხი ფეხბურთის თამაშის დროს დაეცა.
ცნობისთვის, ბანგლადეშში მეხის შემთხვევები ხშირია, თუმცა, წელს განსაკუთრებით დიდი მსხვერპლი გამოიწვია. მარტის თვიდან სულ 90 ადამიანია გარდაცვლილი.
ექსპერტების თქმით, ეს, შესაძლოა, ტემპერატურის მატებას და ტყის მასობრივ გაჩეხვას უკავშირდებოდეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
