საქართველოს თავდაცვის მინისტრი მინდია ჯანელიძე სამების საკათედრო ტაძარში იმყოფებოდა.

თავდაცვის უწყების ინფორმაციით, მინისტრი ბაბუშერას აეროპორტში თვითმფრინავის აფეთქებისას გარდაცვლილი 5 ქართველი გმირის პანაშვიდს დაესწრო. მინდია ჯანელიძემ ქართველი გმირების ოჯახების წევრებს მიუსამძიმრა და თანადგომა გამოუცხადა.

სამგლოვიარო ცერემონიას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, სამოქალაქო საზოგადოების წარმომადგენლები და გმირების თანამებრძოლები დაესწრნენ.

ცნობისთვის, სამების საკათედრო ტაძრიდან გიორგი ჩარგეიშვილის, მალხაზ ფირანიშვილის, ზურაბ მელიშიანის, რუსუდან ჩხეტიანისა და კახა აბულაძის ნეშტებს თანამებროძოლების გვერდით დიღმის ძმათა სასაფლაოზე „გმირთა სავანე“ დღეს დაკრძალავენ. 22 წლის წინ ბაბუშერას ტრაგედიის დროს დაღუპული ხუთი მებრძოლის ნეშტის იდენტიფიცირება ლევან სამხარაულის სახელობის სასამართლო ექსპერტიზის ეროვნულ ბიუროში მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს