გაეროს ბავშვთა ფონდის მხარდაჭერით, საქართველოს იუსტიციის სამინისტროს სსიპ „დანაშაულის პრევენციის ცენტრის“ სისხლის სამართლის მედიატორები გადამზადების სასწავლო კურსს გადიან. სასწავლო კურსის მეორე ფაზა, 13 მაისს, იუსტიციის სასწავლო ცენტრში დაიწყო და 10 დღის განმავლობაში გაგრძელდება. მას 17 მედიატორი ესწრება. 

 მოცემული კურსის ფარგლებში მედიატორები სიღრმისეულად შეისწავლიან აღდგენითი მართლმსაჯულების თანამედროვე კონცეფციას და მისი განვითარების ისტორიას, შეისწავლიან სამართლებრივ და ფსიქოლოგიურ საკითხებს. მოწვეული ექსპერტების დახმარებით გაეცნობიან საერთაშორისო დონეზე არსებულ პრაქტიკას. ტრენინგის ფარგლებში განსაკუთრებული მნიშვნელობა დაეთმობა ისეთ საკითხებ,ს როგორიცაა მედიატორის უნარ-ჩვევები, დაზარალებულთან და დანაშაულის ჩამდენ პირთან მუშაობის ფსიქოლოგიური ასპექტები, მედიატორის როლი სისხლის სამართალში და ა.შ.

აღსანიშნავია, რომ მედიატორებმა 2016 წლის აპრილში უკვე გაიარეს სასწავლო პროგრამა „შესავალი მედიაციაში“, რომელიც მოიცავდა ეფექტიანი კომუნიკაციის, კონფლიქტის მართვის, მოლაპარაკებისა და მედიაციის მოდულებს.

მსგავსი სერთიფიცირებული სასწავლო კურსი პირველად ტარდება საქართველოში და იგი ეფუძნება ადგილობრივი და საერთაშორისო ექსპერტების მიერ შემუშვებულ მოდულს, რომელიც ევროკავშირისა და გაეროს ბავშვთა ფონდის აქტიური ჩართულობით შეიქმნა.

ცნობისათის, სსიპ „დანაშაულის პრევენციის ცენტრი“ მუშაობს სისხლის სამართლის მედიაციის კონცეფციის შემუშავებაზე, რომელიც გავრცელდება სრულწლოვან ბრალდებულ და მსჯავრდებულ პირებზეც.

2016 წლის მაისის ბოლო ასევე იგეგმება სასწავლო კურსის მესამე ეტაპი, რის ფარგლებშიც მედიატორები გაივლინ სპეციალიზაციას არასრულწლოვანთა მართლმსაჯულების სფეროში. სამივე ეტაპის წარმატებით გავლის და გამოცდების წარმატებით ჩაბარების შემთხვევაში კი აიღებენ სისხლის სამართლის მართლმსაჯულებაში მედიატორის სერთიფიკატი, რის გარეშეც სამომავლოდ ვერცერთი პირი ვერ შეძლებს მოცემულ სფეროში მუშაობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”