საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, პარლამენტს მოუწევს გააკეთოს არჩევანი მურუსიძესა და დოლიძეს შორის, როცა დღევანდელ სხდომაზე პრეზიდენტის მიერ წარდგენილ უზენაესი სასამართლოს წევრობის კანდიდატებს უყრის კენჭს.

,,არანაირად არ მაქვს იმედი, რომ ,,ნაციონალური მოძრაობა" რამენაირად დათმობს მურუსიძეს და მხარს დაუჭერს დოლიძეს,  თუმცა ვფიქრობ, რომ პარლამენტის თითოეულ წევრს, უმრავლესობას დღეს აქვს შესაძლებლობა მურუსიძის მართვის სტილი სასამართლოში დოლიძის სტილით შეცვალოს. უნდა გვახსოვდეს, სერიოზული პრობლემები შეექმნება უზენაესი სასამართლოს ფუნქციონირებას, თუ სწრაფად არ იქნებიან დამტკიცებული პრეზიდენტის მიერ წარდგენილი მოსამართლეები. ამიტომ რისკის ქვეშ ნუ დავაყებთ უზენაესი სასამართლოს ფუნქციონირებას“, - განაცხადა საქართველოს პრეზიდენტის ადმინისტრაციის უფროსმა გიორგი აბაშიშვილმა.

ცნობისთვის, პრეზიდენტმა პარლამენტს განსახილველად  უზენაესი სასამართლოს წევრობის კანდიდატებად ანა დოლიძე, თამარ ლალიაშვილი და ნონა თოდუა რამდენიმე კვირის წინ წარუდგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა