როცა ირაკლი კობახიძეს გოგლიმოგლს უმზადებდნენ საკვებად, მაშინ „ლეიბორისტული პარტია“ და მისი ლიდერი შალვა ნათელაშვილი მიხეილ სააკაშვილის რეჟიმს ებრძოდა, - ასე პასუხობენ „ლეიბორისტულ პარტიაში“ „ქართული ოცნების“ აღმასრულებელ მდივანს ირაკლი კობახიძეს, რომელმაც „ლეიბორისტები“ „ნაციონალური მოძრაობის“ სატელიტად მოიხსენია.

როგორც პარტიის ერთ-ერთმა ლიდერმა გიორგი გუგავამ „ექსპრესნიუსთან“ საუბრისას განაცხადა, მაშინ სააკაშვილს გვერდში ბიძინა ივანიშვილი ედგა, რომელიც ხელისუფლებას აფინანსებდა.

„როცა ირაკლი კობახიძეს გოგლიმოგლს უმზადებდნენ საკვებად, მაშინ „ლეიბორისტული პარტია“ და მისი ლიდერი შალვა ნათელაშვილი მიხეილ სააკაშვილის რეჟიმს ებრძოდა. ამის გამო ნათელაშვილს ირაკლი კობახიძისხელა შრამი აქვს ფეხზე.

ამ დროს მისი უფროსი ბიძინა ივანიშვილი მიხეილ სააკაშვილს აფინანსებდა. აძლიერებდა მის რეჟიმს. შესაბამისად მასაც აქვს ცოდვა იმ უბედურებაში, რაც სააკაშვილის რეჟიმის დროს ქართველი ხალხის კისერზე დატრიალდა.

ახლა ბინძური ჭორებით ცდილობენ საზოგადოების შეცდომაში შეყვანას. ამ ჭორების გავრცელება ჯერ ბიძინა ივანიშვილმა დაიწყო და ახლა მისი პარტიის წევრები ავითარებენ ამ ნაცად ხერხს, მაგრამ ეს აღარ გაჭრის. ქართველმა ხალხმა კარგად იცის ის უზნეობა და უკანონობა, რასაც ივანიშვილი და მისი კლანი ჩადის ამ ქვეყნის წინაშე“, - განაცხადა გიორგი გუგავამ.

შეგახსენებთ, ირაკლი კობახიძემ „თავისუფალი დემოკრატებს“, პაატა ბურჭულაძესა და „ლეიბორისტებს“ „ნაციონალური მოძრაობის“ სატელიტები უწოდა.  ეს განცხადება „ოცნების“ აღმასრულებელმა მდივანმა გაზეთ „ვერსიისთვის“ მიცემულ ინტერვიუში გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”