2016-05-09 13:24:15, 565 ნახვა
პოლიტიკა
ბურჯანაძე: საქართველომ დიდი მსხვერპლი გაიღო ამ გამარჯვებისთვის
„საქართველომ დიდი მსხვერპლი გაიღო ამ გამარჯვებისთვის, რომელიც ცხრა მაისს უკავშირდება“, - ამის შესახებ „დემოკრატიული მოძრაობის“ ლიდერმა ნინო ბურჯანაძემ ჟურნალისტებს ვაკის პარკში განუცხადა, სადაც მან უცნობი ჯარისკაცის საფლავი გვირგვინით შეამკო.
მისივე თქმით, საქართველოს მოსახლეობამ არ უნდა დაივიწყოს ის გამარჯება და ის ადამიანები, რომლებმაც 9 მაისის გამარჯვებას თავი შესწირეს.
„გულდასაწყვეტია ის ფაქტი, რომ ვეტერანთა რაოდენობა წლიდან წლამდე მცირდება. მათი ბრძოლა მაგალითი უნდა იყოს ახალგაზრდებისთვის, ახალი თაობისთვის თუ როგორ უნდა დაიცვა შენი სამშობლო და შენი ღირსება მაშინ, როცა მტერი ემუქრება იმას, რაც შენთვის მნიშვნელოვანია“,-განაცხადა ბურჯანაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
