ყველაფერს გავაკეთებ, რომ ივანიშვილმა დააბრუნოს ტერიტორია, რომელიც მაქინაციურად ჩაიგდო ხელში, - ამის შესახებ თბილისის საკრებულოს დამოუკიდებელმა დეპუტატმა ალეკო ელისაშვილმა საქალაქო სასამართლოში ჟურნალისტებს განუცხადა.

ელისაშვილი დღეს „პანორამა თბილისის“ საწინააღმდეგო აქციაზე,  ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (პოლიციისთვის წინააღმდეგობის გაწევა) მუხლებით დააკავეს.

„იმ ერთ კაცს, რომელსაც ჰგონია, რომ საქართველო არის შეზღუდული პასუხისმგებლობის საზოგადოება და შეუძლია ქვეყანას თავზე დააჯდეს და ყველაფერი განკარგოს, უნდა შევაგნებინოთ, რომ ამ ქვეყანაში სხვებიც ვცხოვრობთ და არ შეიძლება როგორი ხუშტურიც გაქვს, ისე მოიქცე. შევაგნებინებ და ყველაფერს გავაკეთებ იმისთვის, რომ ის ტერიტორია, რომელიც ეშმაკურად და მაქინაციებით ჩაიგდო ხელში, დაუბრუნოს უკან ქალაქს. ყველაფერს გავაკეთებ ამისთვის, რამდენჯერაც არ უნდა დამიჭირონ. ეს ტერიტორია ქალაქს უკან დაუბრუნდება და ივანიშვილს ბოდიშის მოხდა მოუწევს“, - განაცხადა ალეკო ელისაშვილმა.

ცნობისთვის, ალეკო ელისაშვილი თბილისის საქალაქო სასამართლოშია გადაყვანილი, სადაც მოსამართლემ უნდა გადაწყვიტოს, დააკისრებს თუ არა მას ადმინისტრაციულ სანქციას. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა