თბილისის მერიის ზედამხედველობსი სამსახურის აპარატის ყოფილი უფროსი ნიკოლოზ ნამიჭეიშვილი, გეგი ნიჟარაძესა და ჯოკია ბოდოკიას მასზე ზეწოლაში ადანაშაულებს. 

როგორც ნამიჭეიშვილი აცხადებს, დედაქალაქის ზედამხედველობის სამსახურის უფროსმა გეგი ნიჟარაძემ და  თბილისის მერიის ზედამხედველობის აპარატის ყოფილმა უფროსმა ჯოკია ბოდოკიამ  მასზე მორალური, დამამცირებელი ზეწოლა განახორციელეს. 

ნამიჭეიშვილის თქმით, ბოდოკიამ  მას სამსახურიდან წასვლის შესახებ განცხადებაზე ხელმოწერა აიძულა.
„გარდა  ნიჟარაძისა, აგრეთვე ჩემზე ზოწოლას ახორციელბდა  ჯოკია ბოდოკია.  მან კაბინეტში  მომაწოდა განცხადება, რომელშიც მითითებული იყო ჩემი თხოვნა სამსახურიდან წასვლის შესახებ და კატეგორიულად მომთხოვა ამ განცხადებაზე ხელის მოწერა. ნიჟარაძე თავის გუნდით, მოადგილეებთან ერთად, ჯოკია ბოდოკიასთან ერთად შემოვარდა იმ ოთახში სადაც მე ვიჯექი და ჩემზე მორალური, ძალიან დამამცირებელი ზეწოლა  განახორციელეს“, – აღნიშნა ნამიჭეიშვილმა.  

შეგახსენებთ, მიმდინარე წლის 11 თებერვალს თბილისის მუნიციპალიტეტის მერიის ზედამხედველობის სამსახურის აპარატის უფროსი ჯოკია ბოდოკია დიდი ოდენობით ქრთამის აღების ფაქტზე დააკავეს.  გამოძიების ინფორმაციით,  ჯოკია ბოდოკიამ ერთ-ერთი კერძო კომპანიის წარმომადგენელს სასტუმროს მშენებლობის ნებართვის გაცემაში დახმარებისა და მშენებლობის პროცესში მფარველობის გაწევის სანაცვლოდ ქრთამის სახით მოსთხოვა სასტუმროს მშენებლობის ღირებულების 10 % – 180 000 აშშ დოლარი, საიდანაც წინასწარ ქრთამის სახით აიღო მოთხოვნილი თანხის ნაწილი – 50 000 აშშ დოლარი. გამოძიება განსაკუთრებით დიდი ოდენობით ქრთამის აღების ფაქტზე მიმდინარეობს (საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით, რაც სასჯელის სახით 11-დან 15 წლამდე თავისუფლების აღკვეთას ითვალისწინებს).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს