კრწანისის გამგეობა იმედს გამოთქვამს, რომ მომღერალი არჩილ ჩიხლაძე შეთავაზებული ფართით ისარგებლებს

2016-04-18 15:34:58, 833 ნახვა

საზოგადოება

კრწანისის რაიონის გამგეობა იერუსალიმის ქუჩაზე მძიმე პირობებში მცხოვრებ მომღერალ არჩილ ჩიხლაძის მდგომარეობასთან დაკავშირებით განცხადებას ავრცელებს.

„იერუსალიმის ქუჩაზე მძიმე პირობებში მცხოვრები მომღერლის, არჩილ ჩიხლაძის მდგომარეობასთან დაკავშირებით განვმარტავთ შემდეგს: ბატონი არჩილი, ჯანმრთელობასთან დაკავშირებული სპეციფიკური პრობლემების გამო, წლების განმავლობაში ცხოვრობს საზოგადოებისგან იზოლირებულად და არ აძლევს ოჯახის წევრებს მისი მოვლა-პატრონობის საშუალებას. კრწანისის რაიონის გამგეობა იმედს გამოთქვამს, რომ დაითანხმებს ბატონ არჩილს, ისარგებლოს გამგეობის მიერ შეთავაზებული ალტერნატიული ფართით, ყოველდღიური ცხელი სადილით და სხვა მუნიციპალური სოციალური მომსახურებით“,-აღნიშნულია კრწანისის რაიონის გამგეობის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან