საქართველოს თავდაცვის სამინისტროს პროფესიული განვითარების ცენტრში სემინარი - „ჰიბრიდული ომი და მისგან მომდინარე საფრთხეები“ გაიხსნა.

თავდაცვის სამინისტროს ინფორმაციით, სემინარის მონაწილეებს საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ მიმართა და კურსის მნიშვნელობაზე ისაუბრა. გენერალური შტაბის უფროსმა ლექცია წაიკითხა თემაზე - „ჰიბრიდული ომი, თანამედროვე მსოფლიოს გამოწვევა“ - ყურადღება გაამახვილა ჰიბრიდული ომის სპეციფიკასა და მახასიათებლებზე და მასთან გამკლავების საშუალებებზე ისაუბრა.

კურსში თავდაცვის, შინაგან საქმეთა, საგარეო საქმეთა სამინისტროებისა და ეროვნული უშიშროების საბჭოს წარმომადგენლები მონაწილეობენ. სამდღიანი სემინარის განმავლობაში მსმენელებს საშუალება ექნებათ, ინფორმაცია მიიღონ საინფორმაციო ოპერაციების არსისა და მისი შემადგენელი ელემენტების თავისებურებების, თანამედროვე მიდგომებისა და ხერხების უპირატესობების შესახებ.

ტრენინგზე თეორიული მასალის გარდა პრაქტიკულ მაგალითებსაც განიხილავენ, ისაუბრებენ უკრაინასა და ახლო აღმოსავლეთში მიმდინარე პროცესების შესახებ.

„ჰიბრიდული ომის“ თემატიკაზე სემინარი პროფესიული განვითარების ცენტრის მიერ არის ორგანიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს