თბილისის მუნიციპალიტეტის საკრებულოს თავმჯდომარის პირველმა მოადგილემ გიორგი ტყემალაძემ და თავმჯდომარის მოადგილემ მალხაზ მჭედლიშვილმა წარმომადგენლობითი ორგანოს დეპუტატებთან ერთად 9 აპრილს დაღუპულთა ხსოვნის მემორიალი გვირგვინით შეამკეს.

ტრაგედიის ადგილზე მისულმა დეპუტატებმა 27 წლის წინანდელი მოვლენები გაიხსენეს, დაღუპულთა ოჯახებს კიდევ ერთხელ მიუსამძიმრეს და 9 აპრილის ტრაგიკული თარიღისადმი მიძღვნილი ფოტოგამოფენა დაათვალიერეს.

ცნობისთვის, ყოველ წელს, 9 აპრილს, იმ დროს, როდესაც საბჭოთა არმიამ მშვიდობიანი მომიტინგეების დარბევა დაიწყო, სასულიერო პირები ტრაგედიის ადგილზე დაღუპულთა სულის მოსახსენებელ პანაშვიდს იხდიან.

1989 წლის 9 აპრილს, გამთენიისას, თბილისში, რუსთაველის გამზირზე, მთავრობის სასახლის წინამდებარე ტერიტორიაზე, საბჭოთა კავშირის სადამსჯელო სამხედრო ნაწილებმა საქართველოს დამოუკიდებლობის მოთხოვნით მიმდინარე მშვიდობიანი აქცია დაარბიეს. ამ ტრაგიკულ დღეს თბილისში 21 უდანაშაულო ადამიანი დაიღუპა, რომელთა შორის უმეტესობა ქალები და ასევე სკოლის მოსწავლეები იყვნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის