საქართველოს შეიარაღებულ ძალებს საარტილერიო სკოლის მიერ მომზადებული 28 არტილერისტი შეემატა.

თავდაცვის სამინისტროს ინფორმაციით, ეროვნულ სასწავლო ცენტრ „კრწანისში“, უმცროს ოფიცერთა მომზადების სპეციალიზაციის კურსის დასრულებისადმი მიძღვნილ საზეიმო ცერემონიაზე, ახალგაზრდა ოფიცრებს სერთიფიკატები საქართველოს შეიარაღებული ძალების გენერალური შტაბის უფროსის მოადგილემ, პოლკოვნიკმა ნიკოლოზ აგლაძემ და სამხედრო წვრთნებისა და განათლების სარდალმა, პოლკოვნიკმა მალხაზ მაკარაძემ გადასცეს.

უმცროს ოფიცერთა სპეციალიზაციის კურსი 28 სექტემბერს დაიწყო და 28 კვირის განმავლობაში მიმდინარეობდა.

7 თვის განმავლობაში, დავით აღმაშენებლის ეროვნული თავდაცვის აკადემიის კურსდამთავრებულმა ოფიცრებმა არტილერიის სპეციალობისთვის საჭირო დისციპლინები შეისწავლეს. მსმენელები საარტილერიო ცეცხლის მომსახურების პროცედურებს და სროლისა და ცეცხლის მართვის უნარ-ჩვევებს დაეუფლნენ. ახალგაზრდა ლეიტენანტები პრაქტიკაში ეცნობოდნენ შეიარაღებულ ძალებში არსებულ საარტილერიო შეიარაღებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს