"ჩვენ რასაც ვამბობდით, რომ ევროატლანტიკური კურსი არის საფრთხეში,  სამწუხაროდ სინამდვილეა,-ასე გამოეხმაურა "თავისუფალი დემოკრატების" წევრი მაია ფანჯიკიძე პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის დღევანდელ განცხადებას.
მისივე თქმით, არის საფრთხე, რამაც შესაძლოა, საქართველოს  უკან დაახევინოს.
"ეს არის იმისი გამოხატულება, რომ ჩვენ რასაც ვამბობდით, რომ ევროატლანტიკური კურსი არის საფრთხეში,  სამწუხაროდ სინამდვილეა.ამას სჭირდება  სასწრაფო რეაგირება აბსოლუტურად ყველა მხრიდან. საქართველოს პრეზიდენტის მხრიდან პირველ რიგში, შესაბამისი უწყებების მხრიდან, სამოქალაქო საზოგადოების მხრიდან.ახლა ვდგავართ იმ საფრთხის წინაშე, რამაც შეიძლება უკან დაახევინოს საქართველოს.საფრთხე შეექმნას ქვეყანას, მის თავდაცვისუნარიანობას და ა. შ. ასე რომ, ეს არის ძალიან საგანგაშო განცხადება",-განაცხადა მაია ფანჯიკიძემ.
ცნობისთვის, რუსეთთან ურთიერთობების საკითხებში პრემიერის სპეციალური წარმომადგენლის ზურაბ აბაშიძის განცხადებით, საქართველოსა და ნატო-ს თანამშრომლობა არანაირად არ არის მიმართული იმ მიზნისაკენ, რომ საქართველოში ნატოს სამხედრო ინფრასტრუქტურა განთავსდეს. მისივე თქმით, ასეთი გეგმები ბუნებაში არ არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს