მიხეილ ჯანელიძემ ლიტვაში ქართველი ოფიცრის საფლავი მოინახულა

2016-04-07 10:10:13, 568 ნახვა

საზოგადოება

ლიტვაში ვიზიტის ფარგლებში საქართველოს საგარეო საქმეთა მინისტრმა დელეგაციის წევრებთან ერთად საქართველოს პირველი რესპუბლიკის (1918-1921წწ.) ოფიცრის, დათიკო მაჭავარიანის საფლავი მოინახულა.

როგორც "ექსპრესნიუსს" საგარეო საქმეთა სამინისტროდან აცნობეს, ქართველი სამხედრო და საზოგადო მოღვაწე, დათიკო მაჭავარიანი რუსეთის მიერ საქართველოს ოკუპაციის შემდეგ ემიგრაციაში წავიდა და ვილნიუსში დასახლდა, სადაც სამხედრო სამსახური პოლონეთის შეიარაღებულ ძალებში დაიწყო და მაიორის სამხედრო წოდება მიენიჭა. დათიკო მაჭავარიანის საფლავი ვილნიუსში ანტაკალნისის სასაფლაოზე მდებარეობს.

ოფიციალური ვიზიტის დასაწყისში საქართველოს საგარეო საქმეთა მინისტრმა პატივი მიაგო ლიტვის თავისუფლებისა და დამოუკიდებლობისათვის დაღუპულ მებრძოლთა მემორიალს.

ანტაკალნისის სასაფლაოზე განთავსებული მემორიალი ვილნიუსში 1991 წლის 13იანვარს საბჭოთა ჯარების მიერ მოკლული მშვიდობიანი მოსახლეობის ხსოვნასეძღვნება და ასევე, სიმბოლურად განასახიერებს საბჭოთა რეჟიმის წინააღმდეგმებრძოლი პარტიზანებისა და ოკუპაციის პერიოდში დაღუპული მოსახლეობისხსოვნას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან