„მთავრობა ყველაფერს აკეთებს იმისთვის, რომ რუსეთს ასიამოვნოს“,-ამის შესახებ „ნაციონალური მოძრაობის“ ერთ-ერთმა წევრმა სერგო რატიანმა პრემიერის სპეციალური წარმომადგენლის რუსეთთან ურთერთობის საკითხებში ზურაბ აბაშიძის განცხადებასთან დაკავშირებით განაცხადა. 

რატიანის თქმით, აბაშიძის განცხადება არის გზავნილი რუსეთის მიმართ, რომ საქართველო ნატო-ს გაწევრიანებისკენ  შესაბამის ნაბიჯს .არ გადადგამს 

„მთავრობა  ყველაფერს   აკეთებს  იმისათვის, რომ ასიამოვნოს რუსეთს და  ზურაბ აბაშიძის მხრიდანაც ეს განცხადება  არის გზავნილი რუსეთის მიმართ, რომ საქართველო ამ მიმართულებით  შესაბამის  ნაბიჯებს არ გადადგამს.  ეს არის ძალიან საზიანო ჩვენი ქვეყნისთვის.  ეს არის ძალიან ცუდი გზავნილი ჩვენი პარტნიორებისთვის“,-განაცხადა რატიანმა.

რუსეთთან ურთიერთობების საკითხებში პრემიერის სპეციალური წარმომადგენლის ზურაბ აბაშიძის განცხადებით, საქართველოსა და ნატო-ს თანამშრომლობა არანაირად არ არის მიმართული იმ მიზნისაკენ, რომ საქართველოში ნატოს სამხედრო ინფრასტრუქტურა განთავსდეს. მისივე თქმით, ასეთი გეგმები ბუნებაში არ არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა