ისნის რაიონში ბეღლეთის, განთიადისა და  მარტყოფის (მე-2 შესახვევი) ქუჩებზე გზის სარეაბილიტაციო სამუშაოები მიმდინარეობს.

როგორც „ექსპრესნიუსს“ თბილისის მერიიდან აცნობეს, ძველი, ამორტიზირებული საგზაო საფარი ათეული წლების განმავლობაში არ შეკეთებულა.

მათივე ინფორმაციით, პროექტი ისნის რაიონის გამგეობის ინიციატივითა და ადგილობრივი მოსახლეობის თხოვნით ხორციელდება, რომელსაც შ.პ.ს. „ნიუ ქასთელ ქონთრაქშენ" აწარმოებს. სამუშაოების ფარგლებში, 9 400 კვ.მეტრ ფართობზე  იგება ასფალტის საფარი  და იცვლება ბორდიურები. საგზაო სამუშაოები აპრილის ბოლოს დასრულდება.

სამუშაოების მიმდინარეობას დღეს ისნის რაიონის გამგებელი ვახტანგ ქიზიყურაშვილი  გაეცნო და მოსახლეობას გაესაუბრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობა ქვეყნის მასშტაბით რეგიონული ნაგავსაყრელების მშენებლობას გეგმავს

უკრაინული დრონების შემდეგ, ომსკის ოლქში ბენზინგასამართ სადგურებთან კილომეტრობით რიგები წარმოიქმნა

დიპლომატიის აკადემიის რექტორის თანამდებობაზე თამარ ბერუჩაშვილი დაინიშნა

გიორგი ბახუაშვილი ქართული ოცნების სუს-ის უფროსის მოადგილედ დაინიშნა