უკრაინის საგარეო საქმეთა სამინისტროს ინფორმაციით, 15 მაისს ევროსაბჭოს მინისტრთა კომიტეტის შეხვედრაზე საერთაშორისო ორგანიზაციის წევრებმა უკრაინის წინააღმდეგ აგრესიის დანაშაულთან დაკავშირებით სპეციალური ტრიბუნალის შექმნის პროცესის ფარგლებში მნიშვნელოვანი გადაწყვეტილება მიიღეს და სპეციალური ტრიბუნალის შექმნის გადაწყვეტილებას მხარი დაუჭირეს. 

"შეხვედრის დროს 37-მა ქვეყანამ დაამტკიცა გაფართოებული ნაწილობრივი შეთანხმება უკრაინის წინააღმდეგ აგრესიის დანაშაულის გამო სპეციალური ტრიბუნალისთვის საორგანიზაციო კომიტეტის ჩამოყალიბებასთან დაკავშირებით – რაც სპეციალური ტრიბუნალის მესამე სადამფუძნებლო დოკუმენტია." – განაცხადა უკრაინის საგარეომ. 

ცერემონია მოლდოვის დედაქალაქ კიშინიოვში გაიმართა და შეხვედრაზე წევრი სახელმწიფოები მინისტრთა დონეზე იყვნენ წარმოდგენილი.

უკრაინის საგარეო საქმეთა მინისტრმა, ანდრიი სიბიჰამ განაცხადა, რომ "დღეს ჩვენ უკან დაბრუნების წერტილი გადავლახეთ – სპეციალური ტრიბუნალი იურიდიულ რეალობად იქცა."

"პუტინს ყოველთვის სურდა ისტორიაში შესვლა და ეს ტრიბუნალი ამის მიღწევაში დაეხმარება. ის ისტორიაში შევა, როგორც კრიმინალი, და არამარტო ის. პუტინი, შოიგუ, გერასიმოვი, ბორტნიკოვი, ზოლოტოვი, მედვედევი, პატრუშევი, ლუკაშენკო და სხვები. დღეს მათ ჰააგისკენ ბილეთი მიიღეს." – განაცხადა სიბიჰამ. 

უკრაინის საგარეომ განმარტა, რომ გაფართოებული ნაწილობრივი შეთანხმება განსაზღვრავს ტრიბუნალის ფუნქციონირებისთვის საჭირო ადმინისტრაციულ და სამმართველო საფუძვლებს და შექმნის დამატებით მექანიზმებს სპეციალური ტრიბუნალისთვის გაფართოებული რეგიონთაშორისი მხარდაჭერისთვის.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს