“ოჯახის წევრებმა, მეგობრებმაც ყველამ ვიცით, რომ ეს ადამიანი იყო თავისი ქვეყნის და პროფესიის პატრიოტი და ერთგული”, – ეს განცხადება გიორგი უძილაურის ოჯახის წევრმა გააკეთა დღევანდელი სასამართლოს შემდეგ, სადაც ცნობილი გახდა, რომ ჯაშუშობაში ბრალდებულ, “ქართუს” ყოფილ PR მენეჯერ გიორგი უძილაურს წინასწარი პატიმრობა შეუფარდეს.

“ვის დასჭირდა [მისი დაკავება]… მე ცოტა უფრო გლობალურად ვფიქრობ, რომ ეს არის ევროპაზე დარტყმა და გიორგი ეტყობა ვიღაცას არ მოეწონა და ამ თემაში დაახურდავეს. ყველაფერი გაირკვევა სამართლიანი სასამართლოს პირობებში, აქ როგორ იქნება, სამწუხაროდ ვერ გეტყვით”, – განაცხადა მან დასძინა, რომ როდესაც “ქართულ ოცნებაში” გარკვეული განხეთქილება მოხდა საგარეო ორიენტირებთან დაკავშირებით, ქვეყანა უნდა წასულიყო რუსეთისკენ თუ დასავლეთისკენ, უძილაური, როგორც პროგრესული ადამიანი, ევროინტეგრაციას უჭერდა მხარს. ის ამ დაკავებას სწორედ ამ განხეთქილებას უკავშირებს.

ჯაშუშობაში ბრალდებულ გიორგი უძილაურს დღეს წინასწარი პატიმრობა შეუფარდეს. მის საქმეს საიდუმლო გრიფი ადევს, შესაბამისად საზოგადოება ბრალდების დეტალებს და მტკიცებულებებს ვერ მოისმენს. არც ისაა ცნობილი, რომელი ქვეყნის სასარგებლოდ ჯაშუშობაში ადანაშუალებენ უძილაურს. სამთავრობო მედია აცხადებს, რომ მათი ინფორმაციით, საუბარია ერთ-ერთ ევროპულ ქვეყანაზე. უძილაური ბრალს არ აღიარებს და ჯერ დუმილის უფლებას იყენებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს