ივანიშვილის სუს-ის ჯერ კიდევ მოქმედმა უფროსმა, მამუკა მდინარაძემ გაერთიანებული სამეფოს მიერ სანქცირებულ სამთავრობო TV იმედის ეთერში ქართული ოცნების ნარკოპოლიტიკასა და მის შედეგებზე ისაუბრა. 

მდინარაძე ამბობს, რომ ნარკოდამოკიდებულებასთან და ნარკოდანაშაულთან ბრძოლა წარმატებულია, თუმცა იქვე ამატებს, რომ ქვეყანაში კუსტარული ნარკოტიკების ქარხანა და ლაბორატორიები გაჩნდა.

"ნარკოტიკების წინააღმდეგ ბრძოლა არ მოიცავს მხოლოდ ვიღაცის დაჭერას. ეს არის საზოგადოების ცნობიერების ამაღლება, საზოგადოებაც უნდა დადგეს პოლიციის, სამართალდამცველების, ჩვენს გვერდით იმისთვის, რომ მაქსიმუმი გავაკეთოთ და მინიმუმამდე დავიყვანოთ ეს ყველაფერი. ნახეთ ხომ რა მოხდა? დარტყმები განვახორციელეთ ყველამ ერთად ნარკოტიკებზე, მის რეალიზატორებზე და რა მოხდა? გარედან შემოტანა ძალიან გაძნელდა, ნარკოტიკი გაძვირდა, მაგრამ ყოველთვის რჩება რაღაც ხვრელი. საბაზრო ეკონომიკასავით არის, ოღონდ ჩრდილოვანი და საზიზღარი. კუსტარული ლაბორატორიებიც კი ვნახეთ. ეს არის კომპლექსური საკითხი, რომელსაც სჭირდება საზოგადოების მხრიდან ძალიან დიდი მხარდაჭერა და სამართალდამცველები ყველაფერს გააკეთებენ, ამის პირობაც შემიძლია მარტივად დავდო, იმისთვის, რომ მაქსიმალურად შევავიწროოთ ეს სფერო და დანაშაულებრივი ბიზნესი". - თქვა მდინარაძემ. 

მოგვიანებით მდინარაძემ საუბარში მაგალითად კიდევ ერთხელ მოიყვანა აღნიშნული საკითხი და თქვა "ნარკოტიკი ვეღარ შემოვიდა და კუსტარული ნარკოტიკის რაღაც ქარხანა გაჩნდა ქვეყანაში, ახლა იმას დავდევთ". 

ქართულმა ოცნებამ 2025 წელს ანტინარკოტიკულ კანონში ცვლილებები რამდენიმე ეტაპად შეიტანა. მიღებული ცვლილებებით, ქვეყანაში ნარკოპოლიტიკა უფრო რეპრესიული და მკაცრი გახდა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს