2026 წლის 4-5 მაისს, ერევანში, ისტორიაში პირველად, სომხეთ-ევროკავშირის სამიტი ჩატარდება.

ევროკომისიის ვებ-გვერდზე გამოქვეყნებული პრესრელიზის თანახმად, სამიტს დაესწრებიან ევროპული საბჭოს პრეზიდენტი ანტონიო კოშტა და ევროპარლამენტის პრეზიდენტი ურსულა ფონ დერ ლაიენი. სომხეთის წარმომადგენელი პრემიერ-მინისტრი ნიკოლ ფაშინიანი იქნება.

სამიტის დაწყებამდე ისინი ევროპული პოლიტიკური გაერთიანების შეხვედრას დაესწრებიან, რომელიც ასევე ერევანში ჩატარდება 2026 წლის 4 მაისს.

პრესრელიზში ასევვე ვკითხულობთ, რომ სომხეთ-ევროკავშირის სამიტზე ყურადღება გამახვილდება ორმხრივი ურთიერთობების გაძლიერებაზე, განსაკუთრებით ენერგეტიკის, ტრანსპორტისა და ციფრული კავშირების სფეროში.

ამასთან, ვკითხულობთ, რომ ლიდერები ასევე განიხილავენ სამხრეთ კავკასიაში მშვიდობის, უსაფრთხოების, კავშირის და კეთილდღეობის უზრუნველყოფასთან დაკავშირებულ პროგრესს, აგრეთვე მიმდინარე გლობალურ გამოწვევებს, მათ შორის ახლო აღმოსავლეთსა და უკრაინაში მიმდინარე მოვლენებს.

"„სომხეთი ევროკავშირის ახლო პარტნიორია და ჩვენ ველით ამ ურთიერთობის კიდევ უფრო გაღრმავებას ჩვენი პირველი სამიტის ფარგლებში. საერთო ღირებულებები და საერთაშორისო სამართლისა და წესებზე დაფუძნებული საერთაშორისო წესრიგის ერთგულება გვაერთიანებს. ეს მნიშვნელოვანი ეტაპი იქნება მშვიდობის, უსაფრთხოების, კავშირის და კეთილდღეობის მიმართულებით სამხრეთ კავკასიაში", - განაცხადა ევროპული საბჭოს პრეზიდენტმა ანტონიო კოშტამ.

პრესრელიზში ვკითხულობთ, რომ სომხეთ-ევროკავშირის სამიტი ასახავს ორმხრივი პარტნიორობის მზარდ დინამიკას ბოლო წლების განმავლობაში. ევროკავშირის ურთიერთობები სომხეთთან ეფუძნება ევროკავშირი-სომხეთის ყოვლისმომცველ და გაძლიერებულ პარტნიორობის შეთანხმებას (CEPA), რომელიც 2021 წელს შევიდა ძალაში და სტრატეგიულ დღის წესრიგს სომხეთ-ევროკავშირის პარტნიორობისთვის, რომელზე შეთანხმებაც 2025 წელს მოხდა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს