გლობალური რელიგიური თავისუფლების საკითხებში აშშ-ის სახელმწიფო დეპარტამენტის მთავარი მრჩეველი მარკ უოკერი X-ზე ილია მეორის გარდაცვალებას ეხმაურება.

"ღრმა მწუხარებას გამოვთქვამთ ყველა იმ ადამიანის მიმართ, ვინც გლოვობს პატრიარქ ილია II-ის გარდაცვალებას, პატრიარქის, რომელიც საბჭოთა კავშირის მიერ რწმენის წაშლისა და თავისუფლების ჩახშობის მცდელობის შემდეგ საქართველოს მართლმადიდებლური ეკლესიის თავისუფალი ღვთისმსახურების უნარის დამცველი იყო", - წერს ის. 

სრულიად საქართველოს კათოლიკოს-პატრიარქი ილია II 2026 წლის 17 მარტს, 93 წლის ასაკში გარდაიცვალა. ის საქართველოს მართლმადიდებლურ ეკლესიას 1977 წლიდან, თითქმის ნახევარი საუკუნის განმავლობაში, მეთაურობდა. ბოლო წლებში მისი ჯანმრთელობის მდგომარეობა გაუარესდა.

პატრიარქი საავადმყოფოში მოთავსებიდან მეორე დღეს, 17 მარტს თბილისის კავკასიის სამედიცინო ცენტრში გარდაიცვალა. საქართველოში გლოვა გამოცხადდა, რომელიც დაკრძალვის დღემდე გაგრძელდება.

ილია II-ს 22 მარტს, თბილისის სიონის საკათედრო ტაძარში დაკრძალავენ.

ავტორი: ექსპრესნიუსი,

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის